မြန်မာစစ်အာဏာရှင် မင်းအောင်လှိုင်ဟာ ထိုင်းဝန်ကြီးချုပ်ရဲ့ ဖိတ်ကြားချက်အရ ထိုင်းနိုင်ငံကို ချစ်ကြည်ရေးခရီးအဖြစ် သြဂုတ် ၆ ရက် မနက်ပိုင်းက နေပြည်တော်ကနေ လေကြောင်း ထွက်ခွာသွားပါတယ်။
စစ်အာဏာရှင်နဲ့ မြန်မာကိုယ်စားလှယ်အဖွဲ့ဟာ သြဂုတ် ၆ ရက်ကနေ ၇ ရက်အထိ ၂ ရက်တာ ထိုင်းနိုင်ငံခရီးစဉ်မှာ နှစ်နိုင်ငံကြား နားလည်မှုစာချွန်လွှာ လက်မှတ်ရေးထိုးတာနဲ့ မြန်မာ-ထိုင်း စီးပွားရေးဖိုရမ် ၂၀၂၆ ကိုလည်း တက်ရောက်သွားဖို့ရှိနေတယ်လို့ သိရပါတယ်။
ဒါ့အပြင် ထိုင်းနိုင်ငံကနေ မြန်မာနိုင်ငံဘက်ကို ပေးအပ်မဲ့ အကူအညီတွေကို လွှဲပြောင်းပေးအပ်သွားမယ်လို့လည်း ထိုင်းသတင်းတွေမှာ ဖော်ပြပါတယ်။
စစ်အာဏာရှင်ကို ထိုင်းအစိုးရအနေနဲ့ အစိုးရအိမ်တော်မှာ ကြိုဆိုပွဲပြုလုပ်သွားမှာဖြစ်ပြီး ပြင်ဆင်မှုအခြေအနေတွေနဲ့ပတ်သက်ပြီး ထိုင်းဝန်ကြီးချုပ်ကိုယ်တိုင် သြဂုတ် ၅ ရက်က စစ်ဆေးမှုတွေ ပြုလုပ်ခဲ့တယ်လို့လည်း ထိုင်းသတင်းတွေမှာ ဖော်ပြထားပါတယ်။
