မြဝတီမြို့တဘက်ကမ်း မဲဆောက်မြို့၊ မယ်တော်ရပ်ကွက် ၆ မှာ မြန်မာနိုင်ငံသား ကလေးငယ် ၂ ယောက်အပါအဝင် တရားမဝင် ဝင်လာသူ ၃၃ ယောက်ကို ထိုင်းစစ်တပ်က ဖမ်းဆီးလိုက်တယ်လို့ ထိုင်းဒေသကွပ်ကဲရေးစစ်တပ်ဆီက သိရပါတယ်။

အမျိုးသား ၁၄ ယောက်၊ အမျိုးသမီး ၁၇ ယောက်နဲ့ ကလေး ၂ ယောက်တို့ဟာ သောင်ရင်းမြစ်ကို စက်လှေနဲ့ဖြတ်ပြီး သဘာဝဂိတ်ကနေ ထိုင်းနိုင်ငံဘက်ကို ရောက်လာကြတာပါ။

အဲဒီကနေ လာကြိုတဲ့ကားနဲ့သွားနေတုန်း ထိုင်းစစ်တပ် လှည့်ကင်းတွေနဲ့တွေ့လို့ ဖမ်းဆီးခံ လိုက်ရပြီး ကားသမားကတော့ ထွက်ပြေးသွားတယ်လို့ သိရပါတယ်။

သူတို့ဟာ ထိုင်းနိုင်ငံပြည်ဝင်ခွင့်၊ နေထိုင်ခွင့် အထောက်ထားမဲ့သူတွေဖြစ်လု့ လာကြိုတဲ့ကားနဲ့ ရွှေ့ပြောင်းမြန်မာအလုပ်သမားအားလုံးကို မဲဆောက်မြို့မရဲစခန်းဆီပို့ထားပြီး အရေးယူဖို့ လုပ်နေတယ်လို့ သိရပါတယ်။