၂၀၂၆ ကမ္ဘာ့ဖလား အုပ်စု (C) အဖွင့်ပွဲစဉ်မှာ စကော့တလန်အသင်းနဲ့ ကစားရမဲ့ ဟေတီအသင်းဟာ ပြိုင်ပွဲစဖို့ ရက်ပိုင်းအလိုမှာပဲ သူတို့ရဲ့ ဂျာစီဒီဇိုင်းကို ပြောင်းလဲရတော့မယ်လို့ နိုင်ငံတကာ အားကစားသတင်းတွေမှာ ဖော်ပြပါတယ်။
ဟေတီအသင်းရဲ့ ဂျာစီ ၃ မျိုးစလုံးမှာ နိုင်ငံလွတ်လပ်ရေးရခဲ့တဲ့ ၁၈၀၃ ခုနှစ်က ဗာတီယက်စ်စစ်ပွဲပုံ ပါဝင်နေတာပါ။
ဂျာစီတွေမှာ နိုင်ငံရေး၊ ဘာသာရေးနဲ့ ကိုယ်ရေးကိုယ်တာဆိုင်ရာ သတင်းစကားတွေ မပါဝင်ရဘူး ဆိုတဲ့ စည်းမျဉ်းနဲ့ မကိုက်ညီတဲ့အတွက် ပြောင်းလဲဖို့ ကမ္ဘာ့ဘောလုံးအဖွဲ့ချုပ် (FIFA) က ညွှန်ကြားခဲ့တာ ဖြစ်ပါတယ်။
ဒီဂျာစီဒီဇိုင်းကို ဖီဖာနဲ့တိုင်ပင်ပြီး လိုအပ်တာတွေ ပြင်ဆင်ခဲ့ပေမဲ့ အခုလို တောင်းဆိုလာတဲ့အပေါ် အံ့အားသင့်ရတယ်လို့ ဂျာစီထုတ်လုပ်တဲ့ ကိုလံဘီယာကုမ္ပဏီ Saeta က ဆိုပါတယ်။
၁၉၇၄ ခုနှစ်နောက်ပိုင်း ပထမဆုံး ကမ္ဘာ့ဖလားဝင်ခွင့်ရတဲ့ ဟေတီအသင်းဟာ အုပ်စု (C) မှာ စကော့တလန်၊ ဘရာဇီး၊ မော်ရိုကိုတို့နဲ့ ယှဉ်ပြိုင်ကစားသွားရမှာ ဖြစ်ပါတယ်။
