မန်စီးတီးဂိုးသမား ဂျိမ်းစ်ထရက်ဖို့ဒ်က အင်္ဂလန်လက်ရွေးစင်အသင်းရဲ့ နံပါတ်တစ် ဂိုးသမားဖြစ်ဖို့ဆိုရင် ကလပ်အသင်းမှာ ပုံမှန်ပွဲထွက်ခွင့်ရဖို့ အရေးကြီးတယ်လို့ ပြောပါတယ်။

ဒါကြောင့် အသက် ၂၃ နှစ်အရွယ် ထရက်ဖို့ဒ်ဟာ မန်စီးတီးကနေ ထွက်ခွာဖို့အထိ စဉ်းစားနေတာ ဖြစ်ပါတယ်။

ပြီးခဲ့တဲ့ရာသီက သူဟာ မန်စီးတီးနဲ့အတူ အက်ဖ်အေဖလားနဲ့ ကာရာဘောင်းဖလားတွေကို ရခဲ့ပေမဲ့  ဒွန်နာရမ်မာရဲ့ အရန်ဂိုးသမားအဖြစ်သာ ရှိခဲ့တာပါ။

ထရက်ဖို့ဒ်က ထိပ်တန်းနိုင်ငံတွေရဲ့ လက်ရွေးစင်အသင်းတွေမှာ ကလပ်အသင်းရဲ့ နံပါတ်တစ် ဂိုးသမားမဟုတ်ဘဲ ပွဲထွက်ခွင့်ရတဲ့သူ မရှိဖူးဘူးလို့ ဆိုပါတယ်။

ဒါကြောင့် သူဟာ သူ့ရဲ့ ကစားသမားဘဝအတွက် မှန်ကန်တဲ့ ဆုံးဖြတ်ချက်ကို ချသွားမှာပါလို့ ပြောပါတယ်။ 

ထရက်ဖို့ဒ်ကို အက်စတွန်ဗီလာ၊ နယူးကာဆယ်၊ တော့တင်ဟမ်နဲ့ ဂျူဗင်တပ်စ်တို့က စိတ်ဝင်စားနေတာ ဖြစ်ပါတယ်။