သြစတြေးလျနိုင်ငံရဲ့ အမြင့်ဆုံးဆုတံဆိပ်ရထားတဲ့ စစ်သားတယောက်ဟာ စစ်ရာဇဝတ်မှုတွေ အများကြီးနဲ့ အဖမ်းခံရပြီးတဲ့နောက် ဧပြီ ၈ ရက်မှာ သူ့ရှေ့နေအဖွဲ့က အာမခံမတောင်းပေးလို့ အကျဉ်းထောင်ထဲမှာ ဆက်ရှိနေမယ်လို့ ဒေသခံမီဒီယာတွေက ဖော်ပြပါတယ်။

ဧပြီ ၇ ရက်မှာ ရဲတွေကအသက် ၄၇ နှစ်အရွယ် ဘန်ရောဘတ်စ်စမစ်ကို ၂၀၀၉ ခုနှစ်ကနေ ၂၀၁၂ ခုနှစ်အတွင်း အာဖဂန်နစ္စတန်နိုင်ငံထဲမှာ အရပ်သား ၅ ယောက်ကို သတ်ဖြတ်မှုနဲ့ ဆက်စပ်ပြီး စစ်ရာဇဝတ်မှု ၅ မှုနဲ့ ဖမ်းဆီးတရားစွဲဆိုခဲ့ပါတယ်။

စွဲချက်တခုစီဟာ အများဆုံးထောင်ဒဏ် တသက်တစ်ကျွန်းချမှတ်နိုင်ပါတယ်။ အင်္ဂါနေ့မှာ အာမခံ ငြင်းပယ်ခံခဲ့ရပြီး ဆစ်ဒနီမြို့အနောက်ပိုင်းက Silverwater ပြုပြင်ထိန်းသိမ်းရေးစခန်းဆီ သူ့ကို ခေါ်သွားခဲ့ပါတယ်။

Source:Reuters