လစ်သူယေးနီးယား အရေးပေါ်ဌာနတွေဟာ ဗီလ်နီးယပ်စ်မြို့တော်မှာ အစိုးရအဖွဲ့ တိုက်ခိုက်ခံရတဲ့အခါ တုံ့ပြန်ပုံအတွက် အရေးပေါ်တပ်ဖွဲ့တွေကို မေ ၁၁ ရက်မှာ စမ်းသပ်ခဲ့ပါတယ်။
ဝန်ကြီးချုပ်ရုံးအပေါ် တိုက်ခိုက်မှုအဖြစ် အသွင်ယူတုံ့ပြန်တဲ့ လေ့ကျင့်ခန်းထဲမှာ အထူးတပ်ဖွဲ့တွေ၊ မီးသတ်သမားတွေနဲ့ ဆေးဘက်ဆိုင်ရာအဖွဲ့တွေ ပါဝင်လေ့ကျင့်ခဲ့ပါတယ်။
အရေးပေါ်ဌာန အမျိုးမျိုးကြား ညှိနှိုင်းဆောင်ရွက်မှုကို စမ်းသပ်ဖို့ ရည်ရွယ်ပြီး ကြိုတင်သတိမပေးခဲ့ဘူးလို့ ဝန်ကြီးချုပ် အင်ဂါ ရူဂီနီက ပြောပါတယ်။
အကြမ်းဖက်မှု တိုက်ဖျက်ရေးရဲတပ်ဖွဲ့က အထူးတပ်ဖွဲ့တွေဟာ အဆောက်အအုံဝင်ပေါက်ကို လုံလုံခြုံခြုံ စောင့်ကြပ်နေချိန်မှာ မီးသတ်သမားတွေက အမိုးနဲ့ မြေအောက်ခန်းက အသွင်ယူ ဓားစာခံတွေကို ကယ်တင်ခဲ့ပါတယ်။
ထိခိုက်ဒဏ်ရာရသူတွေအဖြစ် အသွင်ယူထားသူတွေကို ကုသဖို့ ရွေ့လျားဆေးရုံယူနစ်တွေကိုလည်း သုံးခဲ့ပါတယ်။ လစ်သူအေးနီးယားနိုင်ငံဟာ ရုရှားရဲ့ အဓိက မဟာမိတ် ဘဲလာရုစ်နိုင်ငံနဲ့ နယ်နိမိတ်ချင်း ထိစပ်နေတဲ့ နိုင်ငံလည်း ဖြစ်ပါတယ်။
Source: Reuters
