အရှေ့အလယ်ပိုင်းဒေသမှာ တိုက်ပွဲတွေ ပြန်ဖြစ်လာတာနဲ့အမျှ ရေနံတစည်ကို အမေရိကန် ဒေါ်လာ ၁၀၀ အထိ ပြန်ရောက်လာပါတယ်။

ဒါဟာ မေလနောက်ပိုင်း ရေနံတစည်ကို ဒေါ်လာ ၁၀၀ အထိ ပထမဆုံးအကြိမ် ပြန်လည် ရောက်ရှိလာတာပါ။

အီရန်ကို အမေရိကန်တိုက်ခိုက်မှုတွေ တိုးမြှင့်လာပြီးတဲ့နောက် ဇူလိုင် ၂၃ ရက်မှာ ဘရန့် ရေနံစိမ်းဈေးဟာ ၆  ရာခိုင်နှုန်းကျော် တိုးလာတာဖြစ်ပါတယ်။

ပင်ယ်နီထဲမှာ ရေနံတင်သင်္ဘောတွေကို ဟူသီစစ်သွေးကြွတွေက တိုက်ခိုက်ခဲ့ပြီးနောက် ရေနံဈေးတွေ တက်လာသလို ဓာတ်ငွေ့ဈေးနှုန်းတွေလည်း တက်လာပါတယ်။

ရေနံဈေးဟာ အမေရိကန်နဲ့ အီရန်တို့ အပစ်အခတ်ရပ်စဲရေး သဘောတူညီချက် ရပြီးတဲ့နောက်ပိုင်း ကျဆင်းခဲ့ပေမဲ့ အပြန်အလှန်တိုက်ခိုက်မှုတွေ ပြန်ဖြစ်ခဲ့လို့ ဈေးတွေတက်လာတာပါ။

ရေနံဈေးမြင့်တက်လာတာနဲ့အတူ အမေရိကန်နဲ့ ဗြိတိန်နိုင်ငံတို့ အပါအဝင် နိုင်ငံအများစုမှာ ကုန်ဈေးနှုန်းတက်တာတွေလည်း ကြုံတွေ့နေရပါတယ်။

ဓာတ်ဆီနဲ့ ဒီဇယ်ဈေးနှုန်းတွေ တက်လာတာကြောင့် ကုန်ပို့ဆောင်မှု ဈေးနှုန်းကြီးလာပြီး အိမ်ထောင်စုတွေအတွက်လည်း အစားအသောက်နဲ့ အသုံးအဆောင်ပစ္စည်းတွေမှာ ငွေပိုသုံးနေရတယ်လို့ မီဒီယာတွေက ဖော်ပြပါတယ်။

ဇွန်လတုန်းကဆိုရင် ဒီဇယ်နဲ့ ဓာတ်ဆီဈေးနှုန်း ကျဆင်းမှုကြောင့် ဗြိတိန်နိုင်ငံမှာ ငွေကြေးဖောင်းပွမှု ၂ ဒသမ ၆ ရာခိုင်နှုန်း ကျဆင်းခဲ့ကာ အမေရိကန်မှာ ၃ ဒသမ ၅ ရာခိုင်နှုန်း ကျဆင်းခဲ့ပါတယ်။

ဇူလိုင်လဆန်းကနေ လောင်စာဆီဈေးတွေ တက်လာပြီး တလီတာကို ၁ ဒသမ ၅၆ ပေါင် နီးပါးအထိ ရောက်ရှိလာကာ ဒီဇယ်တလီတာကို ၁ ဒသမ ၇၂ ပေါင်အထိ ရောက်လာပါတယ်လို့ RAC က ဖော်ပြပါတယ်။