ဘရာဇီးဂန္ထဝင် တိုက်စစ်မှူး ရော်နယ်ဒိုဟာ ဘောလုံးကစားသမားဘဝကနေ အနားယူပြီး နောက်ပိုင်းမှာ ပြင်းထန်တဲ့ စိတ်ကျရောဂါကို ခံစားခဲ့ရတယ်လို့ ထုတ်ဖော်ပြောကြားခဲ့ပါတယ်။
ကမ္ဘာ့ဖလားကို ၂ ကြိမ်အထိ ရယူခဲ့ဖူးတဲ့ ရော်နယ်ဒိုဟာ အသက် ၃၄ နှစ်အရွယ် ၂၀၁၁ ခုနှစ်မှာ အနားယူခဲ့တာ ဖြစ်ပါတယ်။ ဘောလုံးလောကကနေ ထွက်ခွာဖို့ သူ့အတွက် အရမ်းခက်ခဲခဲ့ပြီး ကိုယ်အလေးချိန်လည်း အများကြီး တက်လာခဲ့တာပါ။
ဘောလုံးလောကကနေ ထွက်ခွာဖို့ ဆုံးဖြတ်လိုက်တဲ့အခါ ကိုယ့်ရဲ့ အနီးကပ်ဆုံးလူတယောက် သေဆုံးသွားသလို ခံစားရတယ်လို့ အသက် ၄၉ နှစ်အရွယ် ရော်နယ်ဒိုက ပြောပါတယ်။
မကစားရတော့ဘူးဆိုတဲ့ အတွေးက သူ့ကို အရမ်းကို စိတ်ထိခိုက်စေခဲ့တာပါ။ ဒီလိုအခက်အခဲတွေ ကြားကနေ ရော်နယ်ဒိုဟာ ဘဝမှာ တခြားလုပ်စရာတွေ ရှိတယ်ဆိုတာ သိလာပြီး သူ့ကိုယ်သူ ပြန်လည် ပုံဖော်နိုင်ခဲ့ပါတယ်။ ပြိုင်ဆိုင်မှုစိတ်ဓာတ်ကတော့ သူ့ဆီမှာ အချိန်အကြာကြီး ရှိနေခဲ့တာပါ လို့ ဆိုပါတယ်။
Photo:Reuters
