နီပေါနိုင်ငံမှာ ဖြစ်ခဲ့တဲ့ ရွှံ့ မြေပြိုမှုကြောင့် သေဆုံးသူဦးရေဟာ ဒေသစံတော်ချိန်မနက် ၁၀ နာရီခွဲမှာ ၉၀၇ ယောက် အထိ မြင့်တက်လာတယ်လို့ နီပေါရဲတပ်ဖွဲ့က ထုတ်ပြန်ပါတယ်။
တရုတ်နိုင်ငံဘက်က ကိန်းဂဏန်းတွေကို ထည့်သွင်း စဉ်းစားရင် စုစုပေါင်း သေဆုံးသူဦးရေမှာ ၉၁၉ ယောက်အထိ ရှိလာခဲ့ပြီး နယ်စပ်နှစ်ဖက်စလုံးမှာ လူပေါင်း ၄,၇၉၃ ဦး ပျောက်ဆုံးနေတာပါ။
ရေအားလျှပ်စစ် ဥမင်လိုဏ်ခေါင်းတွေ အတွင်း ပိတ်မိနေနိုင်တဲ့ အလုပ်သမားတွေကို ရှာဖွေမှုက ခုချိန်မှာ “အမြင့်ဆုံးဦးစားပေး” ဖြစ်တယ်လို့ နီပေါအာဏာပိုင်တွေက ပြောပါတယ်။ စီမံကိန်းအမျိုးမျိုးက အလုပ်သမား ၉၀၀ ကျော် ပျောက်ဆုံးနေတာပါ။
တရုတ်နိုင်ငံက ဘေးအန္တရာယ်သင့် ကျီရုံ နယ်စပ်ဂိတ်မှာ အလေးအနက် စောင့်ကြည့်ဖို့ “အန္တရာယ်များတဲ့ ဘူမိဗေဒဆိုင်ရာ ဘေးအန္တရာယ်နေရာ ၈ ခု” ကို အမှတ်အသားပြုခဲ့ပါတယ်။ ဒါ့အပြင် ဒေသတွင်းမှာ မိုးရွာသွန်းမှုနဲ့ ဆိုးရွားတဲ့ ရာသီဥတုအခြေအနေတွေကို သတိပေးထားပြီး အနီနားက တောင်ပြိုရေကန်တခုရဲ့ ရေမျက်နှာပြင် မြင့်တက်လာနိုင်တယ်လို့ သတိပေး ထားပါတယ်။
သြဂုတ် ၂၆ ရက်က နီပေါနိုင်ငံမြောက်ပိုင်းမှာ သဘာဝဘေးအန္တရာယ်ကျရောက်ခဲ့တာ ဖြစ်ပြီး နီပေါအစိုးရက အဲဒီနေ့မှာပဲ အရင်းအမြစ်တွေ ဖြန့်ကြက်ခဲ့သလို၊ ဝန်ထမ်းစီမံခန့်ခွဲမှုကို အားဖြည့်ရင်း ဘေးအန္တရာယ်အပြီး ပြန်လည်ထူထောင်ရေးလုပ်ငန်းတွေကို အရှိန်မြှင့်တင်ခဲ့ပါတယ်။
ထိခိုက်ခံရတဲ့ ဒေသတွေက ဒေသဆိုင်ရာ အုပ်ချုပ်ရေးယူနစ်တွေကို ၃ လကြာ ဘေးအန္တရာယ် အကျပ်အတည်းဇုန်တွေအဖြစ် သတ်မှတ်ခဲ့ပါတယ်။
Source: Reuters/CNN
