ဘရာဇီးနိုင်ငံ တင်ပါးအလှပြိုင်ပွဲဝင် အလှမယ်တွေရဲ့ သရုပ်ပြပုံတပုံဟာ ခရစ်ယာန် ဘာသာရေးဆိုင်ရာ နာမည်ကျော်ပန်းချီကားတကားဖြစ်တဲ့ “ခရစ်တော်၏ နောက်ဆုံးညစာ စားပွဲ”ပုံထဲကအတိုင်း ဖြစ်နေခဲ့လို့ ဝေဖန်ခံနေရပါတယ်။
တင်ပါးအလှပေါ်လွင်အောင် ရမ္မက်စိတ် နှိုးဆော်သရုပ်ဆောင်ထားတဲ့ အဆိုပါဓာတ်ပုံမှာ ပန်းချီကားထဲမှ ယေရှုလိုမျိုး ကိုယ်ဟန်ပြသလိုဖြစ်နေခဲ့တဲ့အတွက် ဒါဟာ ဘာသာရေးကို မထီမဲ့မြင်ပြုရာရောက်တယ်လို့ ဘာသာရေးအသိုင်းအဝိုင်းက ပြောဆိုနေကြတာပါ။
အခု ၂၀၁၆ ခုနှစ်ဆိုရင် ကျင်းပခဲ့တာ ၆ ကြိမ်မြောက်ရှိခဲ့ပြီဖြစ်တဲ့ တင်ပါးအလှပြိုင်ပွဲဟာ လှပျိုဖြူတွေအတွက် ရေပန်းစားတဲ့ ပြိုင်ပွဲတခု ဖြစ်လာနေတာပါ။
ဒီပွဲမှာ အနိုင်ရသူတွေအနေနဲ့ သန်းနဲ့ချီဝင်ငွေရနိုင်မယ့် အခွင့်အလမ်းတွေ၊ မော်ဒယ်အေဂျင်စီတွေနဲ့ ချုပ်ဆိုနိုင်မယ့် အလုပ်အကိုင်နဲ့ အခွင့်အလမ်းတွေအတွက် တကယ့်ကို အကျိတ်အနယ်ရှိလှပါတယ်။
ဘာသာရေးခေါင်းဆောင်တွေကတော့ နာမည်ကျော်ပန်းချီဆရာ လီယိုနာဒိုဒါဗင်ချီရဲ့ လက်ရာပန်းချီကားကို မထီမဲ့မြင်ပြု သရုပ်ဖော်ထားတဲ့ ဒီပုံကို အသုံးမပြုသင့်ဘူးလို့ ပြင်းပြင်းထန်ထန် ရှုတ်ချလိုက်ပါတယ်။
အများပြည်သူရဲ့ မဲဆန္ဒတွေအရယှဉ်ပြိုင်နေတဲ့ ပြိုင်ပွဲဝင်လှပျိုဖြူ ၂၇ ယောက်ဟာ ဘရာဇီးနိုင်ငံ ပြည်နယ်အသီးသီးကို ကိုယ်စားပြုနေပြီး နောက်ဆုံးယှဉ်ပြိုင်မှုကိုတော့ လာမယ့် နိုဝင်ဘာလ ၉ ရက်နေ့မှာ တိုက်ရိုက်ထုတ်လွှင့်ပြသသွားမယ်လို့ ဆိုပါတယ်။
ပုံထဲမှာ ပါဝင်ခဲ့သူ ဆီယာရာပြည်နယ်ကိုယ်စားပြု အလှမယ်တဦးဖြစ်တဲ့ ဒိုင်ယာနာ ဖက်ဂွီယေဒိုက သူ့အနေနဲ့ ခုလို တစိတ်တပိုင်းအားဖြင့် ပုံထဲမှာ ပါဝင်ခဲ့မိတာကို နောင်တရမိတယ်လို့ ဆိုပါတယ်။
“ကျမ ဒီပုံကို ရိုက်ခဲ့ရပါတယ်။ ဘာလို့လဲဆိုတော့ ကျမ စာချုပ်ချုပ်ထားခဲ့ရတာကိုး။ ကျမ မပျော်ရွှင်ပါဘူး။ ဒါကိုလည်း သဘောမကျခဲ့ဘူး။ ရှင်တို့အနေနဲ့ ဘုရားသခင်နဲ့ ပတ်သက်ရင် ဒါကို ကစားစရာတခုလို မလုပ်သင့်ဘူးမလား။ လူတွေ ဘာကြောင့် စိတ်ဆိုးဒေါသထွက်ရသလဲဆိုတာ ကျမ သဘောပေါက်ပါတယ်။ ဘာလို့လဲဆိုတော့ ကျမတောင် စိတ်ဆိုးမိတယ်။ ဘုရားသခင်ကို ပြစ်မှားမိလို့လေ”
ဒါပေမယ့် တင်ပါးအလှပြိုင်ပွဲတည်ထောင်သူတဦးဖြစ်တဲ့ ကာကိုးအော်လီဗာကတော့ ဒီပုံရိပ်ဟာ ဘုရားကျောင်းတွေကို မိုက်ရိုင်းစွာ ပြစ်မှားမိသလိုဖြစ်ဖို့ မရည်ရွယ်သလို ဘယ်သူ့ကိုမှလည်း အထိတ်တလန့် မဖြစ်စေလိုဘူးလို့ ပြောလိုက်ပါတယ်။
