ရုရှားအစိုးရက အရင်က ဂျာမနီနိုင်ငံအတွက် ရည်ရွယ်ပြီး ကာဇက်စတန်နိုင်ငံက ဒရုရှ်ဘာ ပိုက်လိုင်း ကတဆင့် ရေနံထောက်ပံ့တာတွေကို မေ ၁ ရက်ကစပြီး တခြားလမ်းကြောင်းတွေဆီ လမ်းကြောင်း ပြောင်းမယ်လို့ ရုရှား ဒုတိယဝန်ကြီးချုပ် အလက်ဇန္ဒား နိုဗက်က ဧပြီ ၂၂ ရက်မှာ ပြောပါတယ်။
ထောက်ပံ့ပို့ဆောင်ရေးဆိုင်ရာ အပြောင်းအလဲက နည်းပညာဆိုင်ရာ ဖြစ်နိုင်ခြေတွေကြောင့် ဖြစ်ပြီး ကာဇက်စတန်နဲ့ သဘောတူညီချက် ရထားတယ်လို့ နိုဗက်က ပြောပါတယ်။
ရုရှားစွမ်းအင်တင်သွင်းမှု လျှော့ချဖို့ ဥရောပရဲ့ ဆုံးဖြတ်ချက်နဲ့ ပတ်သက်ပြီး ပြောရာမှာ ဂျာမန်တွေ က ရုရှားရေနံကို လက်လျှော့လိုက်ပြီး သူတို့ အဆင်ပြေနေပါတယ်လို့ နိုဗက်က ပြောပါတယ်။
ကာဇက်စတန်ရေနံဟာ မေလမှာ ရုရှားရဲ့ ဒရုရှ်ဘာ ပိုက်လိုင်းကတဆင့် ဂျာမနီဆီ စီးဆင်းဖို့ စီစဉ် မထားဘူးလို့ ပြောခဲ့ပြီး ယူကရိန်း ဒရုန်းတိုက်ခိုက်မှုတွေကြောင့် ဖြစ်စရာရှိတယ်လို့ ကာဇက်စတန် စွမ်းအင်ဝန်ကြီးက ဗုဒ္ဓဟူးနေ့မှာ ပြောပါတယ်။
Source: Reuters
