မက္ကဆီကိုနိုင်ငံ၊ ဂွါဒါလာဟာရာမြို့မှာ ဒီနေ့မနက်က ယှဉ်ပြိုင် ကစားခဲ့တဲ့ ၂၀၂၆ ကမ္ဘာ့ဖလား အုပ်စု A ပွဲစဉ်မှာ ပူးတွဲအိမ်ရှင် မက္ကဆီကိုအသင်းက တောင်ကိုရီးယားအသင်းကို ၁ ဂိုး ဂိုးမရှိနဲ့ အနိုင်ရရှိသွားပါတယ်။
ဒီနိုင်ပွဲကြောင့် မက္ကဆီကိုဟာ ၃၂ သင်းအဆင့်ကို ပထမဆုံး တက်ရောက်နိုင်တဲ့နိုင်ငံ ဖြစ်လာပါတယ်။
ဒီပွဲရဲ့ တလုံးတည်းသော အနိုင်ဂိုးကို တောင်ကိုရီးယား ဂိုးသမား ကင်ဆန်းဂယူရဲ့ အမှားကနေတဆင့် မက္ကဆီကို ကစားသမား လူးဝစ်ရိုမိုက သွင်းယူပေးခဲ့တာပါ။
ပွဲပြီးခါနီးမှာ တောင်ကိုရီးယားအသင်းက ချေပဂိုးရဖို့ ကြိုးစားခဲ့ပေမဲ့ မက္ကဆီကိုဂိုးသမား ရာအူးလ်ရန်ဂျယ် လက်စွမ်းပြ ကာကွယ်နိုင်ခဲ့ပါတယ်။
အုပ်စုဗိုလ်နေရာရဖို့ သေချာသလောက်ရှိနေတဲ့ မက္ကဆီကိုအသင်းဟာ နောက်ပွဲစဉ်အဖြစ် ချက်သမ္မတနိုင်ငံနဲ့ ကစားရမှာဖြစ်ပြီး တောင်ကိုရီးယားကတော့ နောက်တဆင့်တက်ဖို့ တောင်အာဖရိကအသင်းကို မဖြစ်မနေ အနိုင်ကစားရမှာဖြစ်ပါတယ်။
