တောင်ဆူဒန်နိုင်ငံ မြို့တော်ဂျူဘာရဲ့ အနောက်တောင်ဘက်မှာ ဧပြီ ၂၇ ရက်က လေယာဉ်ငယ်တစင်း ပျက်ကျခဲ့ပြီး လေယာဉ်ပေါ်ပါတဲ့ လူ ၁၄ ယောက်လုံး သေဆုံးခဲ့တယ်လို့ နိုင်ငံရဲ့ အရပ်ဘက် လေကြောင်းအာဏာပိုင်အဖွဲ့က ပြောပါတယ်။
City Link Aviation က လုပ်ငန်းဆောင်ရွက်နေတဲ့ ဆက်စ်နာ 208 ကာရာဗန် လေယာဉ်ဟာ ယဲမြို့ကနေ ဂျူဘာ အပြည်ပြည်ဆိုင်ရာလေဆိပ်ဆီ ပျံသန်းနေချိန်မှာ လေကြောင်းထိန်းချုပ်ရေးနဲ့ အဆက်အသွယ် ပြတ်သွားတယ်လို့ အာဏာပိုင်တွေက ကြေညာချက် ထုတ်ပြန်ပါတယ်။
လေယာဉ်ဟာ ဒေသစံတော်ချိန် မနက် ၉ နာရီ ၁၅ မိနစ်မှာ ထွက်ခွာခဲ့ပြီး ၉ နာရီ ၄၃ မိနစ်မှာ အဆက်အသွယ် ပြတ်သွားတာလို့ သူတို့က ပြောပါတယ်။
လေယာဉ်ပေါ်မှာ ခရီးသည် ၁၃ ယောက်နဲ့ လေယာဉ်မှူးတယောက်၊ ကင်ညာနိုင်ငံသား ၂ ယောက်နဲ့ တောင်ဆူဒန်နိုင်ငံသား ၁၂ ယောက် တင်ဆောင်ထားပါတယ်။
ကနဦး သတင်းအချက်အလက်တွေအရ လေယာဉ်ဟာ မြင်ကွင်းမကောင်းခြင်း အပါအဝင် ရာသီဥတုဆိုးရွားမှုကြောင့် ပျက်ကျခဲ့တာ ဖြစ်နိုင်တယ်လို့ ကြေညာချက်မှာ ဖော်ပြပါတယ်။
Source: Reuters
