တားကစ်ရှ်လေကြောင်းလိုင်းက ဘိုးရင်း 737 MAX လေယာဉ် အစင်း ၁၅၀ ဝယ်ဖို့ ဘိုးရင်းကုမ္ပဏီနဲ့ စက်တင်ဘာ ၂၃ ရက်မှာ သဘောတူစာချုပ် ချုပ်ဆိုခဲ့ပါတယ်။

ဒီလေယာဉ်တွေကို ၂၀၃၃ ခုနှစ်ကနေ ၂၀၃၇ ခုနှစ်အတွင်း ပေးအပ်သွားမှာဖြစ်ပြီး အတည်ပြုဝယ်ယူမဲ့ အစင်း ၁၀၀ နဲ့ ဝယ်ယူခွင့်ရွေးနိုင်တဲ့ အစင်း ၅၀ တို့ ပါတယ်လို့ တားကစ်ရှ် လေကြောင်းလိုင်းက သတင်းထုတ်ပြန်ပါတယ်။

စာချုပ် ချုပ်ဆိုပွဲကို အမေရိကန်နိုင်ငံ နယူးယောက်မြို့မှာ ကျင်းပခဲ့ပြီး တူရကီသမ္မတ တေယစ် အာဒိုဂံ၊ တားကစ်ရှ်အဲလိုင်းရဲ့ ဥက္ကဋ္ဌ မူရတ်ဆက်ကာနဲ့ ဘိုးရင်းရဲ့ အမှုဆောင် ဒုတိယဥက္ကဋ္ဌ စတက်ဖနီ ပုပ်တို့ တက်ရောက်ခဲ့ကြပါတယ်။

တူရကီသမ္မတ အာဒိုဂံဟာ စက်တင်ဘာ ၂၂ ရက်မှာ စတင်ကျင်းပခဲ့တဲ့ ကုလသမဂ္ဂ အထွေထွေညီလာခံကို တက်ဖို့ နယူးယောက်မြို့ကို ရောက်နေတာလည်း ဖြစ်ပါတယ်။

Source: Reuters