၄ နှစ်ကျော်ကြာနေတဲ့ ယူကရိန်းပဋိပက္ခမှာပါဖို့ ရုရှားက မြောက်ကိုရီးယားတပ်ဖွဲ့ဝင် ၃ သောင်းကို ခေါ်ချင်နေပြီး သူတို့ကိုလက်ခံဖို့ ပြင်ဆင်နေပြီလို့ ယူကရိန်းသမ္မတ ဗိုလိုဒီမာ ဇလန်းစကီးက ဇူလိုင် ၂၅ ရက်မှာ ပြောပါတယ်။
"ဇွန်လကစပြီး ရုရှားရဲ့ ဗိုရိုနီဒေသမှာ လက်ခံဖို့ ပြင်ဆင်နေတယ်" လို့ ဇလန်းစကီးက သူ့ရဲ့ ညစဉ် ပြောနေကျ ဗီဒီယိုမိန့်ခွန်းထဲမှာ ပြောပါတယ်။
၂၀၂၄ ခုနှစ်မှာ ရုရှားက ယူကရိန်းကို အကြီးအကျယ်ကျူးကျော်ပြီးတဲ့နောက် ရုရှားနဲ့ မြောက်ကိုရီးယား နှစ်နိုင်ငံအကြား အပြန်အလှန်ကာကွယ်ရေး သဘောတူညီချက်အရ မြောက်ကိုရီးယားဟာ ကာ့က်စ်ခ်ဒေသမှာ ရုရှားနဲ့အတူတိုက်ခိုက်ဖို့ စစ်သား ၁၄,၀၀၀ လောက်ကို စေလွှတ်ခဲ့တာပါ။
ရုရှားဟာ အရှေ့အလယ်ပိုင်းကို စောင့်ကြည့်နေတဲ့ ဂြိုဟ်တုမှတ်တမ်းတွေကို အီရန်ဆီ လွှဲပေးနေတာကို ယူကရိန်းက သတိပြုမိတယ်လို့ ဇလန်းစကီးက စနေနေ့မှာ ပြောပါတယ်။
တချိန်တည်းမှာပဲ တိုက်ခိုက်မှုတွေမတိုင်ခင်နဲ့ တိုက်ခိုက်မှုတွေအပြီးမှာ ထိခိုက်ပျက်စီးမှုတွေကို အကဲဖြတ်ဖို့ ရုရှားရဲ့ ဂြိုဟ်တုပုံရိပ်တွေနဲ့ အီရန်ရဲ့တိုက်ခိုက်မှုတွေကြားမှာ ထင်ရှားတဲ့ ဆက်စပ်မှုတခု ရှိနေတယ်လို့လဲ ဇလန်းစကီးက ပြောခဲ့ပါတယ်။
