အခုနှစ် တက္ကသိုလ်ဝင်စာမေးပွဲကို အင်းစိန်အကျဉ်းထောင်နဲ့ မန္တလေး ဗဟိုအကျဉ်းထောင်တွင်းကနေ ဝင်ရောက်ဖြေဆိုခဲ့ကြသူ ၅၇ ယောက် အောင်မြင်ပြီး ၂၇ ယောက်က ဂုဏ်ထူးနဲ့ အောင်မြင်ခဲ့တယ်လို့ မြန်မာနိုင်ငံစာစစ်ဦးစီးဌာနရဲ့ ထုတ်ပြန်ချက်အရ သိရပါတယ်။
မန္တလေးထောင်ကနေ ၂၁ ယောက် အောင်မြင်ပြီး ၃ ဘာသာဂုဏ်ထူးနဲ့ ၄ ယောက်၊ ၂ ဘာသာဂုဏ်ထူးနဲ့ ၈ ယောက်၊ ၁ ဘာသာဂုဏ်ထူးနဲ့ ၅ ယောက် အောင်မြင်ပါတယ်။
အောင်စာရင်းအရ ကျောင်းသားတွေချည်းဖြစ်ပြီး ဂုဏ်ထူးမပါသူက ၃ ယောက်ပဲရှိတာကို တွေ့ရပါတယ်။
ရန်ကုန် အင်းစိန်ထောင်ကတော့ ၃၆ ယောက် အောင်မြင်ခဲ့ကြပြီး ၃ ဘာသာဂုဏ်ထူးရှင် ၁ ယောက်၊ ၂ ဘာသာဂုဏ်ထူးရှင် ၁ ယောက်နဲ့ ၁ ဘာသာဂုဏ်ထူးရှင် ၅ ယောက် ပါဝင်ခဲ့ပါတယ်။
ကျောင်းသား ၃၃ ယောက်၊ ကျောင်းသူ ၃ ယောက် အောင်မြင်တာကိုတွေ့ရပါတယ်။
၂၀၂၆ ခုနှစ် တက္ကသိုလ်ဝင်စာမေးပွဲမှာ တနိုင်ငံလုံးအတိုင်းအတာနဲ့ စာပေးပွဲအောင်မြင်သူ ၁၃၀,၀၀၀ ကျော်ရှိပြီး အောင်ချက်ရာခိုင်နှုန်း ၅၂ ဒသမ ၃၇ ရာခိုင်နှုန်းဖြစ်ပါတယ်။
စစ်အာဏာရှင်လက်ထက် ဒီနှစ် တက္ကသိုလ်ဝင်စာမေးပွဲကို ကျောင်းသား၊ ကျောင်းသူ စုစုပေါင်း ၂၅၅,၂၂၈ ယောက် ဝင်ရောက်ဖြေဆိုခဲ့ကြပါတယ်။
တိုင်းနဲ့ ပြည်နယ်အလိုက် စာရင်းတွေအရ မန္တလေးတိုင်းက အောင်ချက်အများဆုံးဖြစ်ပြီး ချင်းပြည်နယ်ကတော့ အောင်ချက် အနည်းဆုံးဖြစ်ပါတယ်။
