ကယားပြည်နယ် လွိုင်ကော်မြို့နယ်၊ လွိုင်လင်လေးမြို့ တီးလုံကျေးရွာအနီး ကရင်နီအမျိုးသားတိုးတက်ရေးပါတီ (ကေအန်ပီပီ) နဲ့ အာဏာသိမ်းစစ်ကောင်စီတပ်တို့အကြား တိုက်ပွဲ ၃ ကြိမ်ဖြစ်ပွားခဲ့တယ်လို့ သိရပါတယ်။
လွိုင်ကော်မြို့နယ် လွိုင်လင်လေးမြို့ အရှေ့ဘက် ဒေါတဟေးရွာ နဲ့ တီးလုံရွာအကြား ဇွန်လှိုင် ၁၂ ရက်နေ့မနက် ၈ နာရီလောက်မှာ ကေအန်ပီပီ ကရင်နီတပ်မတော်အမှတ် ၃ တပ်ရင်းနဲ့ စစ်ကောင်စီတပ် ခလရ ၅၃၀ တပ်တို့ ကြား နာရီဝက်ကျော် အပြန်အလှန်ပစ်ခတ်မှုဖြစ်ပွားခဲ့တာလို့ အေကန်ပီပီ သတင်းနှင့်ပြန်ကြားရေးဌာန KnIC က သတင်းထုတ်ပြန်ထားပါတယ်။
စစ်ကောင်စီတပ်ဘက်က ပြန်လည်ဆိုတ်ခွာသွားခြင်းမရှိခဲ့တဲ့အတွက် ညနေပိုင်းမှာလည်း တိုက်ပွဲတွေ ထပ်မံဖြစ်ပွားခဲ့တယ်လို့ ဆိုပါတယ်။
လွိုင်လင်လေးမြို့နယ် တီးလုံ၊ မိုက်တိမ်း နဲ့ ဒေါ်တဟေ ကျေးရွာတွေအကြား လက်နက်ကြီးလက်နက်ငယ်တွေနဲ့ ပစ်ခတ်သံတွေ ကြားနေရတဲ့အတွက် တိုက်ပွဲ ပြင်းထန်မှာကို စိုးရိမ်ပြီး အနီးအနားဝန်းကျင်က ရွာလုံးကျွတ် ထွက်ပြေးနေကြတယ်လို့ ဒေသခံတွေက ပြောပါတယ်။