မန်ယူအသင်း အက်သလက်တီကို ကို အနိုင်ယူပြီး Snapdragon ဖလား ဆွတ်ခူး
DVB
·
August 2, 2026
မန်ချက်စတာယူနိုက်တက်အသင်းဟာ ဆွီဒင်နိုင်ငံ၊ စတော့ခ်ဟုမ်းမှာ ကျင်းပခဲ့တဲ့ Snapdragon Cup ရာသီကြို ခြေစမ်းပွဲစဉ်မှာ အက်သလက်တီကို မက်ဒရစ်အသင်းကို (၂-၁) ဂိုးနဲ့ အနိုင်ရရှိသွားခဲ့ပါတယ်။
နည်းပြ မိုက်ကယ်ကားရစ်ရဲ့ မန်ယူအသင်းဟာ ပွဲအစ ၅ မိနစ်မှာတင် ဦးဆောင်ဂိုး စတင်ပေးခဲ့ရပေမဲ့ ဒုတိယပိုင်းမှာ တိုက်စစ်မှူး ဘရိုင်ယန် အမ်ဘူမိုရဲ့ သွင်းဂိုး ၂ ဂိုးနဲ့ ပွဲကို အကောင်းဆုံး အနိုင်လှည့်ပြောင်းနိုင်ခဲ့တာပါ။
ဒီပွဲစဉ်မှာ မန်ယူအသင်းအတွက် လူငယ်အကယ်ဒမီကြယ်ပွင့်တွေဖြစ်ကြတဲ့ ရှီးယားလေးဆီးနဲ့ ဂျက်ဖလက်ချာတို့က ဂိုးဖန်တီးမှုတွေနဲ့အတူ အကောင်းဆုံး ခြေစွမ်းပြသနိုင်ခဲ့ပါတယ်။
ဒါ့အပြင် အသက် ၁၅ နှစ်အရွယ် လူငယ်ကစားသမား ဂျေဂျေ ဂါဘရီယယ်လ် အပါအဝင် အကယ်ဒမီထွက် လူငယ်တချို့လည်း စီနီယာအသင်းမှာ ပထမဆုံးအကြိမ် ပါဝင်ကစားခွင့် ရရှိခဲ့ကြပါတယ်။
Live
