မန်ချက်စတာယူနိုက်တက်အသင်းဟာ ကိုလံဘီယာလူငယ် ခံစစ်ကွင်းလယ်လူ ခရစ္စတီယန် အိုရိုဇ်ကို ကို ခေါ်ယူဖို့ အပြီးသတ်တော့မှာ ဖြစ်ပါတယ်။

လာမဲ့လမှာ သူ အသက် ၁၈ နှစ်ပြည့်တာနဲ့ မန်ယူနဲ့ စာချုပ်ချုပ်ဆိုမှာပါ။ ဆေးစစ်မှုတွေ လုပ်ဖို့ တနင်္ဂနွေနေ့မှာ အင်္ဂလန်ကို ရောက်လာတော့မှာ ဖြစ်ပါတယ်။

အိုရိုဇ်ကိုဟာ ကိုလံဘီယာ ယူ-၁၇ အသင်းခေါင်းဆောင်ပါ။ သူ့ရဲ့ ပြင်းထန်တဲ့ ကစားဟန်နဲ့ ဘောလုံး ပြန်လည်ရယူနိုင်စွမ်းတွေကြောင့် ဥရောပထိပ်တန်းကလပ်တွေရဲ့ အာရုံစိုက်မှုကို ရခဲ့တာပါ။

ချယ်လ်ဆီး ကွင်းလယ်လူ မိုဆက်စ်ကိုင်စီဒိုနဲ့တောင် ကစားဟန်ချင်း တူတယ်လို့ နှိုင်းယှဉ် ခံရပါတယ်။ မန်ယူကတော့ သူ့ကို ယူ-၂၁ အသင်းနဲ့ အရင်ထားဖို့ မျှော်လင့်ထားပါတယ်။