း
အာရက္ခတပ်တော်(AA) ဖမ်းဆီးထားတဲ့ ဘင်္ဂလားဒေ့ရှ်ငါးဖမ်းသမား ၁၄ ယောက်ကို မတ် ၃၁ ရက်မှာ ပြန်လွှတ်ပေးလိုက်တယ်လို့ ဘင်္ဂလားဒေ့ရှ်သတင်းစာတွေက ရေးပါတယ်။
မတ် ၂၈ ရက်က ရခိုင်ရေပိုင်နက်အတွင်း ကျူးကျော်ငါးခိုးဖမ်းမှုကြောင့် အာရက္ခတပ်တော်က ဖမ်းဆီးခဲ့ပြီး ၃ ရက်အကြာမှာ ပြန်လွှတ်ပေးလိုက်တာဖြစ်ပြီး သူတို့ရဲ့ နေအိမ်ကို ပြန်ရောက် ရှိလာကြပြီလို့ မိသားစုဝင်တွေနဲ့ ဘင်္ဂလားဒေ့ရှ်နယ်ခြားစောင့်တပ် (BGB)တွေက အတည်ပြု ပြောပါတယ်။
ပြန်လွတ်လာကြတဲ့ ငါးဖမ်းသမားတွေဟာ တက္ကနဖ်မြို့နယ်အတွင်း ကျေးရွာတွေက တံငါသည်တွေ ဖြစ်ကြပြီး သားဖြစ်သူ အိမ်ပြန်ရောက်လာတဲ့အတွက် ဝမ်းသာတယ်လို့ လွတ်မြောက်လာတဲ့ ငါးဖမ်းသမား တယောက်ရဲ့ မိခင်က ပြောပါတယ်။
“ကျမရဲ့သား ၃ ယောက်အပါဝင် မိသားစုဝင် ၅ ယောက် အိမ်ပြန်ရောက်လာလို့ အရမ်းပဲ ဝမ်းသာ မိပါတယ်။ သူတို့ ဖမ်းဆီးခံထားရချိန်က အရမ်းပဲ စိုးရိမ်ခဲ့ရတာ။ အခုတော့ စိတ်ချရပြီ။ သူတို့ ကျန်းမာရေးကတော့ သိပ်မကောင်းကြဘူး။”
အခုဖမ်းဆီးခံလိုက်ရတဲ့ ငါးဖမ်းသမားတွေဟာ စက်လှေ ၃ စင်းနဲ့အတူ နတ်မြစ်ဝ ရှာပေါရီကျွန်းနား မှာ အာရက္ခတပ်တော်ရဲ့ ဖမ်းဆီးခံလိုက်ရတာ ဖြစ်ပါတယ်။
ပြန်လည်လွတ်မြောက်လာတဲ့ ငါးဖမ်းသမားတွေ အားလုံးကို စိစစ်နေတယ်လို့ တက္ကနဖ်မြို့နယ် နယ်ခြားစောင့်ရဲတပ်ဖွဲ့(BGB)ရဲ့ တပ်ရင်းမှူး ဒုတိယဗိုလ်မှူးကြီး မိုဟာမက် ဟာနီဖာ ရာမန် ဘူယန်က ပြောပါတယ်။
“ငါးဖမ်းသမား ၁၄ ယောက်နဲ့ စက်လှေ ၃ စီးပြန်ရောက်လာပါပြီ။ သူတို့ကို စစ်ဆေးမေးမြန်မှုတွေ လုပ်နေတယ်။”
ဘင်္ဂလားဒေ့ရှ် ငါးဖမ်းသမားတွေဟာ ရေလှိုင်းကြောင့် မရည်ရွယ်ဘဲ ရခိုင်ရေပိုင်နက်အတွင်း ဝင်ရောက်သွားတာကနေ ဖမ်းဆီခံလိုက်ရတာဖြစ်ပြီး ၃ ရက်အကြာ ပြန်လွှတ်ပေးလိုက်လို့ ဝမ်းသာ ကျေနပ်တယ်လို့ လွတ်မြောက်လာတဲ့ ငါးဖမ်းသမား မိုစတာဖီဇာက ပြောပါတယ်။
ဖေဖော်ဝါရီ ၁၆ ရက်ကလည်း ရခိုင်ရေပိုင်နက်အတွင်း ခိုးဝင်ငါးဖမ်းမှုကြောင့် ဖမ်းဆီးခံထားရတဲ့ ဘင်္ဂလားဒေ့ရှ် ငါးဖမ်းသမား ၇၆ ယောက်ကို အာရက္ခတပ်တော်က BGB နဲ့ ဆက်သွယ်ပြီး ပြန်လွှတ် ပေးခဲ့ပါတယ်။
Source: BDNEWS 24
