အင်ဒိုနီးရှားနိုင်ငံ၊ အရှေ့ဂျာဗားပြည်နယ်က ဘရိုမိုတောင် အမျိုးသားဥယျာဉ်ကို ခရီးသည်တွေ သွားရောက်ခွင့် ပိတ်လိုက်ပြီလို့ အော်ပရေတာက သြဂုတ် ၈ ရက် နှောင်းပိုင်းမှာ ပြောပါတယ်။
မီးတောင်ဝ ချိုင့်ဝှမ်းဧရိယာမှာ တောမီးလောင်ကျွမ်းမှု ကျယ်ပြန့်လာလို့ ဝင်ခွင့်အားလုံးကို ပိတ်ခဲ့တာပါ။
သြဂုတ် ၃ ရက်မှာ တောမီးစလောင်ခဲ့ပြီး ၄၃၅ ဧကလောက်ကျယ်တဲ့ ဧရိယာကို လောင်ကျွမ်းခဲ့ပါတယ်။
အာဏာပိုင်တွေက မီးလောင်မှုဖြစ်ရတဲ့ အကြောင်းရင်းကို မပြောခဲ့ပါဘူး။ တောမီးကြောင့် ထိခိုက်ဒဏ်ရာရရှိသူလည်း မရှိပါဘူး။
ဥယျာဉ်အာဏာပိုင်တွေက ဖြန့်ဝေတဲ့ ဗီဒီယိုထဲမှာ မှောင်ရီပျိုးပြီးတဲ့နောက် တောင်စောင်းတလျှောက်မှာ မီးတောက်တွေ လောင်ကျွမ်းနေတာကို ပြသထားပါတယ်။
အင်ဒိုနီးရှားအစိုးရက တောမီးလောင်ကျွမ်းမှုကြောင့် ခရီးသွားလှုပ်ရှားမှု အားလုံးအတွက် အရှေ့ဂျာဗားမှာရှိတဲ့ ဘရိုမိုတောင် အမျိုးသားဥယျာဉ်ကို ပိတ်လိုက်တယ်လို့ ဥယျာဉ်အော်ပရေတာက သြဂုတ် ၈ ရက်မှာ ပြောပါတယ်။
သြဂုတ် ၈ ရက်မတိုင်မီ အွန်လိုင်းမှာ တင်ထားတဲ့ ဗီဒီယိုရဲ့ အစောပိုင်း ဗားရှင်းတွေကိုတော့ မတွေ့ရပါဘူး။ အရှေ့ဂျာဗားပြည်နယ် ဘေးအန္တရာယ်လျော့ပါးရေး အေဂျင်စီ အာဏာပိုင်တွေက မီးငြှိမ်းသတ်ဖို့ ရေဖျန်းရဟတ်ယာဉ်တွေနဲ့ ဒရုန်းတွေကို သုံးနေတယ်လို့ ပြောပါတယ်။
Source: Reuters
