အင်္ဂလန်လက်ရွေးစင်ကစားသမားဟောင်း ရာဟင်မ်စတာလင်ဟာ သူ့ရဲ့ လမ်ဘိုဂီနီကားနဲ့ အဝေးပြေးလမ်းအတားအဆီးတွေကို ဝင်တိုက်မိခဲ့ပြီးနောက် မူးယစ်ဆေးသုံးစွဲကာ အန္တရာယ်ရှိစွာ မောင်းနှင်မှု၊ မူးယစ်ဆေးဝါးလက်ဝယ်ထားရှိမှုတို့နဲ့ မေ ၂၈ ရက်က ဖမ်းဆီးခံခဲ့ရပါတယ်။ 

အသက် ၃၁ နှစ်အရွယ် စတာလင်ဟာ ထိခိုက်ဒဏ်ရာရမှုမရှိဘဲ လက်ရှိမှာတော့ အာမခံနဲ့ ပြန်လည် လွတ်မြောက်နေပါတယ်။

မန်စီးတီးကနေ ချဲလ်ဆီးသို့ ပြောင်းရွှေ့ခဲ့ပြီးနောက်ပိုင်း စတာလင်ရဲ့ ကစားသမားဘဝဟာ ပုံမှန်ခြေစွမ်း ပျောက်ဆုံးကာ အကျဘက်သို့ ရောက်ရှိခဲ့ပြီး ချဲလ်ဆီးအသင်းရဲ့ ပထမအသင်းနဲ့ပါ ၆ လ ကျော်အထိ သီးခြားခွဲထုတ်ခြင်း ခံခဲ့ရပါတယ်။

အာဆင်နယ်မှာ အငှားသွားကစားခဲ့ပေမဲ့ မအောင်မြင်ခဲ့ဘဲ ပြီးခဲ့တဲ့ ဖေဖော်ဝါရီက ဒတ်ချ်ကလပ် ဖီယင်နုအသင်းဆီ ပြောင်းရွှေ့ခဲ့ရာမှာလည်း ရုန်းကန်ခဲ့ရတာကြောင့် သူ့အတွက် စိတ်ပိုင်းဆိုင်ရာ ဖိအားတွေအပြင်းအထန် ကြုံတွေ့နေရချိန်မှာ အခုလို ဖြစ်ရပ်မျိုး ပေါ်ပေါက်ခဲ့တာ ဖြစ်ပါတယ်။

Photo:Reuters