ကိုလံဘီယာနိုင်ငံမှာ မိုးသည်းပြီး လှိုင်းလုံးကြီးတွေ ရိုက်ခတ်လို့ မန်ဇာနာရက်စ်မြစ်ကနေ သမုဒ္ဒရာထဲ သယ်လာတဲ့ အမှိုက်တွေ ပြန်ရောက်လာလို့ ဖေဖော်ဝါရီ ၂ ရက်မှာ ဆန်တာမာတာမြို့ရဲ့ ကမ်းခြေမှာ အမှိုက်တန်ချိန် အမြောက်အမြား ရောက်လာပါတယ်။

ကမ္ဘာလှည့်ခရီးသည်တွေကို ဆွဲဆောင်ရာ ကမ်းခြေဟာ အမှိုက်ပုံအဖြစ် ပြောင်းလဲသွားပြီး ပလတ်စတစ်အိတ်တွေ၊ ပုလင်းတွေ၊ တာယာတွေ၊ ပရိဘောဂတွေနဲ့ တခြားဇီဝနည်းနဲ့ မပျက်စီးတဲ့ အမှိုက်တွေ သဲပေါ်ကို ဖုံးလွှမ်းနေပါတယ်။ 

ကမ်းခြေတလျှောက် အပျက်အစီးတွေကြားမှာ ဒေသခံတွေက ခွေးသေနဲ့ ကလေးဖိနပ်တွေကိုပါ တွေ့ခဲ့ပါတယ်။ 

မကြာသေးမီနာရီတွေအတွင်း မိုးသည်းလို့ အမှိုက်တွေ မန်ဇာနာရက်စ်မြစ်ဝကနေ ပင်လယ်အော်ထဲ စီးဝင်သွားခဲ့တယ်လို့ ဒေသခံမီဒီယာက ဖော်ပြပါတယ်။ 

အစိုးရအဖွဲ့အစည်းတွေနဲ့ ပတ်ဝန်းကျင်ထိန်းသိမ်းရေးအဖွဲ့တွေက နှစ်ပေါင်းများစွာ ကြာအောင် လူထုအသိပညာပေးလှုပ်ရှားမှုတွေ လုပ်နေပေမဲ့ ဒေသတွင်း ရေလမ်းကြောင်းတွေ ညစ်ညမ်းတာနဲ့ ပတ်ဝန်းကျင်ဆိုင်ရာ အသိပညာပေးမှု အားနည်းတာတွေကို ဒီဖြစ်ရပ်က မီးမောင်းထိုးပြ နေပါတယ်။

Source:Reuters