မန်ချက်စတာယူနိုက်တက် အကယ်ဒမီ တိုက်စစ်မှူး အသက် ၁၅ နှစ်အရွယ် ဂျေဂျေဂါဘရီယယ်လ်ကို ခေါ်ယူဖို့ ရီးရဲလ်မက်ဒရစ်အသင်းက ပြင်းပြင်းထန်ထန် ကြိုးပမ်းနေပါတယ်။

ဂါဘရီယယ်လ်ဟာ အသင်းနဲ့ စာချုပ်ဖျက်သိမ်းချင်တယ်လို့ မန်ယူထံ အကြောင်းကြားထားပြီး ဘာစီလိုနာ၊ ပီအက်စ်ဂျီနဲ့ ဘိုင်ယန်မြူးနစ်တို့ကပါ စိတ်ဝင်စားနေတာပါ။

ပထမအသင်းကြီးဆီ တက်လှမ်းဖို့ ကတိကဝတ်တွေ မတည်ဆောက်နိုင်တာကြောင့် မန်ယူအပေါ် စိတ်ပျက်မိတယ်လို့ ဂါဘရီယယ်လ်နဲ့ နီးစပ်သူတွေက ဆိုပါတယ်။

ရီးရဲလ်အသင်းကတော့ လူငယ်ကစားသမားကို ချက်ချင်းခေါ်ယူပြီး သူတို့ရဲ့ ရီးရဲလ်မက်ဒရစ် ကက်စတီလာမှာ ထည့်သွင်းကစားစေချင်နေတာပါ။

မန်ယူဘက်ကတော့ ဂါဘရီယယ်လ်ကို ဆက်ထိန်းထားချင်ပြီး သူထွက်ခွာချင်တဲ့ အကြောင်းရင်း အတိအကျကို မသိရသေးဘူးလို့ ဆိုပါတယ်။