မာဆေးတိုက်စစ်ကစားသမား မေဆန်ဂရင်းဝုဒ်ဟာ ဂျာမေကာနိုင်ငံကို ကိုယ်စားပြုကစားမယ့် အစီအစဉ်ကို ဆိုင်းငံ့ထားတယ်လို့ သိရပါတယ်။
သက်တမ်းအလိုက် အင်္ဂလန်အသင်းတွေမှာ ကစားခဲ့ပြီး အင်္ဂလန်အသင်းကြီးမှာလည်း တပွဲကစားခဲ့တဲ့ ဂရင်းဝုဒ်ဟာ အင်္ဂလန်အသင်းမှာ မပါဝင်တော့တာကြောင့် နိုင်ငံကိုယ်စားပြု ပြောင်းလဲဖို့ စီစဉ်ခဲ့တာပါ။
အခုတပတ်နိုင်ငံတကာပွဲစဉ်တွေမှာ ဂျာမေကာနိုင်ငံလက်ရွေးစင်အသင်းအတွက် စတင်ကစားဖို့ စီစဉ်ထားပေမဲ့ လက်ရှိအချိန်မှာတော့ အင်္ဂလန်အသင်းအပေါ် စိတ်မပြတ်သားသေးတဲ့ အခြေအနေကြောင့် ဆိုင်းငံ့ထားလိုက်တာပါ။
အင်္ဂလန်နည်းပြ တူဟယ်ကတော့ ဂရင်းဝုဒ်နဲ့ ဆက်သွယ်ခြင်းမရှိသလို သူဟာ ဂျာမေကာအတွက်ကစားဖို့ ကြိုးစားနေသူလို့ နားလည်ထားကြောင်း၊ လတ်တလောမှာ ဂရင်းဝုဒ်ကိစ္စက ဦးစားပေးမဟုတ်ဘဲ အသင်းအတွက် ရွေးချယ်ဖို့ ပြင်ဆင်ထားတာလည်း မရှိကြောင်း ပြောပါတယ်။
ဂျာမေကာနည်းပြ မက္ကလာရင်ကတော့ ဂရင်းဝုဒ်ကို ခေါ်ယူနိုင်ရေး စိတ်ရှည်ပေးရမှာဖြစ်ပြီး သူဟာ ဂျာမေကာကို ချစ်မြတ်နိုးသူဆိုတာ သိရှိကြောင်း ပြောသွားပါတယ်။
Photo:Reuters
