တူရကီကလပ် ဖီနာဘာချီအသင်းဟာ မာဆေးလ်အသင်းက အင်္ဂလိပ်တိုက်စစ်မှူး မေဆန် ဂရင်းဝုဒ်ကို ၄ နှစ်စာချုပ်နဲ့ ခေါ်ယူလိုက်ပါတယ်။

ဖီနာဘာချီအသင်းဟာ ဂရင်းဝုဒ်အတွက် ယူရို ၃၉ သန်း ပြောင်းရွှေ့ကြေး ပေးချေတာ ဖြစ်ပါတယ်။ အရင်ကတော့ ယူရို ၄၅ သန်းအထိ ကုန်ကျမယ်လို့ သတင်းတွေ ထွက်ခဲ့တာပါ။

ဖီနာဘာချီဟာ တူရကီလိဂ်မှာ ၅ ရာသီဆက်တိုက် ဒုတိယနေရာ ရထားတာဖြစ်ပြီး ဒီခေါ်ယူမှုဟာ ချန်ပီယံလိဂ်ဝင်ခွင့် မျှော်လင့်နေတဲ့ ဖီနာဘာချီရဲ့ တိုက်စစ်ကို အားဖြည့်ပေးတာ ဖြစ်ပါတယ်။

ဂရင်းဝုဒ်ဟာ မာဆေးလ်အသင်းအတွက် ပွဲပေါင်း ၈၁ ပွဲမှာ ၄၈ ဂိုး သွင်းယူထားတာပါ။ ၂၀၂၅-၂၆ ရာသီ လီဂူးဝမ်းမှာလည်း ၁၆ ဂိုးနဲ့ ဂိုးသွင်းအများဆုံး ဒုတိယနေရာ ရခဲ့တာ ဖြစ်ပါတယ်။

ဖီနာဘာချီ ပရိသတ်တွေရဲ့ ပံ့ပိုးမှုအတွက် ကျေးဇူးတင်ကြောင်းနဲ့  ဖီနာဘာချီအသင်းကို ရောက်ရလို့ အရမ်းပျော်တယ်လို့ ဂရင်းဝုဒ်က ပြောကြားသွားပါတယ်။