ဝါရင့်ကွင်းလယ်လူ ကာဇိုလာ ခြေစွမ်းပြမှုနဲ့အတူ အိုဗီယက်ဒိုအသင်းက နှစ်ပေါင်း ၂၄ နှစ်အတွင်း ပထမဆုံးအကြိမ်အဖြစ် လာလီဂါဆီ တန်းပြန်တက်ခွင့် ရရှိသွားပါတယ်။
စပိန်လိဂ် ၂ မှာ အဆင့် ၃ ရရှိခဲ့တဲ့ အိုဗီယယ်ဒိုအသင်းဟာ ပလေးအော့ဖ် ဆီမီးဖိုင်နယ်မှာ အယ်လ်မာရီယာကို အနိုင်ရခဲ့ပြီး ဗိုလ်လုပွဲမှာလည်း မီရန်ဒက်စ်ကို နှစ်ကျော့ပေါင်း ၃ ဂိုး ၂ ဂိုးရလဒ်နဲ့ အနိုင်ရပြီး လာလီဂါဆီ တန်းတက်ခွင့်ရခဲ့တာပါ။
ပလေးအော့ဖ်ဗိုလ်လုပွဲ ပထမအကျော့မှာ ၁ ဂိုး ဂိုးမရှိနဲ့ ရှုံးနိမ့်ခဲ့ပေမဲ့ ဒုတိယအကျော့ အိမ်ကွင်းမှာ အချိန်ပိုသွင်းဂိုးနဲ့ အနိုင်ရခဲ့တာပါ။
အဲဒီပွဲစဉ်မှာ အသက် ၄၀ ရှိပြီဖြစ်တဲ့ ကာဇိုလာက ပင်နယ်တီကနေ တဆင့် ဦးဆောင်ဂိုးသွင်းပေးခဲ့ပြီး ပွဲရဲ့ အကောင်းဆုံးကစားသမား ဖြစ်ခဲ့တာပါ။
အာဆင်နယ်ကစားသမားဟောင်းဟာ ၂၀၂၃ ခုနှစ်က မွေးရပ်မြေကလပ် အိုဗီယယ်ဒိုကို ပြန်လည်ပြောင်းရွှေ့ခဲ့ပြီး ၂ နှစ်အကြာမှာ လာလီဂါဆီ တန်းပြန်တက်နိုင်အောင် ကူညီနိုင်ခဲ့တာ ဖြစ်ပါတယ်။
