ကုလသမဂ္ဂ သမုဒ္ဒရာညီလာခံ (UNOC 3) ကို လက်ခံကျင်းပဖို့ ပြင်သစ်တောင်ပိုင်း မြေထဲပင်လယ်ကမ်းရိုးတန်းက နီးစ်မြို့မှာ ဇွန် ၈ ရက်က လမ်းတွေကို ပိတ်ဆို့ပြီး ကင်းလှည့်ခဲ့ပါတယ်။

နိုင်ငံအကြီးအကဲတွေ၊ သိပ္ပံပညာရှင်တွေနဲ့ ထောက်ခံအားပေးသူတွေ စုစည်းထားတဲ့ ထိပ်သီးအစည်းအဝေးကို ရာသီဥတုပြောင်းလဲမှု၊ လေထုညစ်ညမ်းမှု၊ ဇီဝမျိုးစုံမျိုးကွဲတွေကို ကာမိစေဖို့ လူသားမျိုးနွယ်ရဲ့ အဏ္ဏဝါအရင်းအမြစ်တွေကို ပိုရေရှည်တည်တံ့စေဖို့ ရည်ရွယ်ကျင်းပတာပါ။

“ဒီနေ့မှာ ကမ္ဘာ့သမုဒ္ဒရာတွေရဲ့ ၈ ဒသမ ၃၄ ရာခိုင်နှုန်းကိုသာ ကာကွယ်ဖို့ ကတိကဝတ် ပြုထားပါတယ်။ ကမ္ဘာလုံးဆိုင်ရာ ပြဿနာနဲ့ ရင်ဆိုင်နေကြရတယ်။ ကျမတို့ ပိုကောင်းအောင် လုပ်နိုင်တယ်” လို့ သမုဒ္ဒရာပိုင်းပညာရှင် ကာရီနာ ဗွန် ရွှတ်ခ်မဲန်းက ပြောပါတယ်။

ပြင်သစ်အစိုးရက ဖော်ပြထားတဲ့ ရည်မှန်းချက်တွေထဲ တခုက ကုလသမဂ္ဂက ချမှတ်ခဲ့ပြီး ၂၀၂၃ ခုနှစ်မှာ အတည်ပြု လက်ခံခဲ့တဲ့ ပင်လယ်စာချုပ်အတွက် လုံလောက်အောင် နိုင်ငံတွေကို ဆွဲဆောင်ဖို့နဲ့ အသက်ဝင်ဖို့ ဖြစ်ပါတယ်။

“30 by 30” လို့ အတိုကောက်သိကြတဲ့ ၂၀၃၀ ခုနှစ်မှာ ကမ္ဘာမြေနဲ့ ပင်လယ်ရဲ့ ၃၀ ရာခိုင်နှုန်းကို ကာကွယ်ရေး ရည်မှန်းချက် ပြည့်မီဖို့ အရေးကြီးတဲ့ ကိရိယာတခုအဖြစ် သဘောတူညီချက်ကို ရှုမြင်ထားပါတယ်။

“လောလောဆယ်မှာ နိုင်ငံစုံဝါဒကို ကျောခိုင်းနေတဲ့ နိုင်ငံတွေ အများကြီးရှိပါတယ်။ အမေရိကန်က UNOC မှာ ပြသတော့မှာ မဟုတ်ပါဘူး၊ ဘုတ်အဖွဲ့တလျှောက် သဘာဝပတ်ဝန်းကျင်ဆိုင်ရာ ကဏ္ဍတွေမှာပါ ပါဝင်ဆောင်ရွက်ခြင်း မရှိသေးပါဘူး” လို့ Greenpeace အဖွဲ့ကြီးက နိုင်ငံရေးဦးဆောင်သူ မီဂန် ရန်ဒေါစ်က ရိုက်တာသတင်းဌာနကို ပြောပါတယ်။

UNOC 3 ညီလာခံကို ဇွန် ၉ ရက်ကနေ ၁၃ ရက်အထိ ကျင်းပမှာ ဖြစ်ပါတယ်။

Source: Reuters