မန်ချက်စတာယူအသင်းဟာ ယူရိုပါလိဂ်ဗိုလ်လုပွဲမှာ ရှုံးနိမ့်ခဲ့တာကြောင့် ပေါင်သန်း ၁၆၀ ခန့် ဝင်ငွေရရှိနိုင်မယ့် အခွင့်အရေးကောင်းကို လက်လွှတ်ခဲ့ရပါတယ်။
ယူရိုပါလိဂ်ဗိုလ်လုပွဲမှာ အနိုင်ရရှိမယ်ဆိုရင် ဆုကြေး ပေါင် ၁၁ သန်းနီးပါးရရှိမှာဖြစ်ပေမဲ့ ဒုတိယသာရခဲ့လို ပေါင် ၅ ဒသမ ၉သန်းသာရရှိခဲ့ပါတယ်။
ဒါ့အပြင် ဥရောပစူပါဖလား ကစားခွင့်နဲ့လည်း လွဲချော်ခဲ့တာက ပေါင် ၅ သန်းနီးပါးရရှိနိုင်မယ့် အခွင့်အရေးဆုံးရူံးခဲ့ရသလို စပွန်ဆာစာချုပ်တွေနဲ့ ချန်ပီယံ လိဂ်ဝင်ခွင့်ရမယ်ဆိုရင် ရရှိလာမယ့် ဝင်ငွေအရပ်ရပ်ကို တွက်ချက်ကြည့်မယ်ဆိုရင် စုစုပေါင်း ပေါင်သန်း ၁၆၀ လောက် နစ်နာခဲ့ရတာပါ။
ယူနိုက်တက်အသင်းရဲ့ ရှယ်ယာဈေးနူန်းတွေဟာလည်း ၇ ရာခိုင်နူန်းခန့်ကျဆင်းခဲ့ကြောင်း Finacial Times မှာဖော်ပြပါတယ်။
တခြားတဖက်မှာတော့ ချန်ပီယံဖြစ်ခဲ့တဲ့ စပါးအသင်းက ဗိုလ်လုပွဲနိုင်ကြေး စတာလင်ပေါင် ၁၁ သန်းလောက် ရရှိခဲ့သလို ဥရောပ စူပါဖလားနဲ့ ချန်ပီယံလိဂ်ပြိုင်ပွဲကစားခွင့်ရမှာကနေ ပေါင်သန်း ၁၆၀ လောက် ရရှိနိုင်မှာဖြစ်ပါတယ်။
Photo: Reuters
