ချန်ပီယံရှစ်ပြိုင်ပွဲ နောက်ဆုံးပွဲစဉ်မှာ လိဒ်ယူနိုက်တက်အသင်းက နောက်ကျဂိုးနဲ့ အနိုင်ရပြီး ချန်ပီယံဆုဖလား ဆွတ်ခူးနိုင်ခဲ့ပါတယ်။
နောက်ဆုံးပွဲစဉ်မတိုင်ခင်အထိ ဘန်လေအသင်းနဲ့ ရမှတ်တူပြီး ဂိုးကွာခြားချက်အသာနဲ့ ဦးဆောင်ထားတဲ့ လိဒ်ယူနိုက်တက်အသင်းဟာ ပလိုင်းမောက်နဲ့ အဝေးကွင်းပွဲကစားခဲ့ရပြီး ပွဲချိန်ပြည့်တဲ့အထိ တဂိုးစီသရေကျနေပေမဲ့ နာကျင်အချိန်ပိုမှာ ဆိုလိုမွန်က အနိုင်ဂိုးသွင်းပြီး ချန်ပီယံ ဆုဖလားကိုင်မြှောက်နိုင်ခဲ့တာပါ။
ပြိုင်ဘက် ဘန်လေအသင်းကလည်း မီဝေါလ်ကို ၃ ဂိုး ၁ ဂိုးနဲ့ အနိုင်ရခဲ့ပေမဲ့ လိဒ်ယူနိုက်တက်ရဲ့ နိုင်ပွဲကြောင့် ရမှတ်တူပေမဲ့ ဂိုးကွာခြားချက် အသာမရခဲ့တာကြောင့် ချန်ပီယံဆုနဲ့ လွဲချော် ခဲ့ရတာပါ။
နောက်ဆုံးပွဲစဉ်တွေအပြီးမှာ ပလေးအော့ဖ်ကစားခွင့်ရတဲ့ ၄ သင်းလည်း ထွက်ပေါ်လာခဲ့ပြီး ရှက်ဖီးလ်ယူနိုက်တက်နဲ့ ဘရစ္စတိုးလ်စီးတီး၊ ဆန်းဒါးလန်းနဲ့ ကိုဗင်ထရီအသင်းတွေက နှစ်ကျော့ ယှဉ်ပြိုင်ကစားပြီး အနိုင်ရတဲ့ ၂ သင်းက ပရီးမီးယားလိဂ်တန်းတက်ခွင့်အတွက် ပလေးအော့ဖ် ဗိုလ်လုပွဲကစားသွားရမှာ ဖြစ်ပါတယ်။
