မန္တလေးမြို့မှာ ငလျင်ကြောင့် ပိတ်မိနေတဲ့ ကိုယ်ဝန်ဆောင်တယောက် အပါအဝင် အသက်ရှင် ကျန်ရစ်သူ ၃ ယောက်ကို တရုတ်ကယ်ဆယ်ရေးအဖွဲ့က မတ် ၃၁ ရက်မှာ ကယ်ထုတ်နိုင်ခဲ့ပါတယ်။
တရုတ်သတင်းဌာန CCTV မှာ ဖော်ပြချက်အရ ပိတ်မိခဲ့သူ ၃ ယောက်ကို ခက်ခက်ခဲခဲ ကယ်ထုတ်ခဲ့ရပြီး အဲဒီထဲမှာ ၆၅ နာရီကျော်ကြာ ပိတ်မိနေတဲ့ ကလေးတယောက်လည်း ပါဝင်ပါတယ်။
မတ် ၂၈ ရက်က လှုပ်ခတ်ခဲ့တဲ့ ငလျင်ကြောင့် ပြိုကျပျက်စီးခဲ့တဲ့ အဆောက်အအုံထဲကနေ ကယ်ဆယ်ရေးလုပ်ငန်းတွေ ဆက်လုပ်နေပြီး အသက်ရှင်ကျန်ရစ်သူတွေကို ရှာဖွေကယ်ဆယ်နေတာ ဖြစ်ပါတယ်။
ငလျင်ဒဏ်ခံစားခဲ့ရတဲ့ ထိုင်း၊ မြန်မာ ၂ နိုင်ငံစလုံးက ငလျင်လှုပ်ပြီး ၇၂ နာရီအတွင်း အရေးပေါ်ကယ်ဆယ်ရေးတွေ လုပ်ဆောင်ခဲ့တာဖြစ်ပါတယ်။
ကယ်ဆယ်ရေးအဖွဲ့တွေဟာ သတ်မှတ်ထားချိန် နေ့လယ် ၁ နာရီ မိနစ် ၂၀ ကျော်တဲ့အထိ ကယ်ဆယ်မှုတွေ ဆက်လက်လုပ်ဆောင်ခဲ့တယ်လို့ ရိုက်တာက ဖော်ပြပါတယ်။
မြန်မာငလျင်နဲ့ ပတ်သက်ပြီး အိန္ဒိယ၊ တရုတ်နဲ့ ထိုင်းနိုင်ငံတို့က ကယ်ဆယ်ရေးအဖွဲ့တွေ၊ အသုံးအဆောင်ပစ္စည်းတွေ ပေးပို့ခဲ့သလို မလေးရှား၊ စင်ကာပူနဲ့ ရုရှားနိုင်ငံတို့က ကယ်ဆယ်ရေးအဖွဲ့တွေ စေလွှတ်ခဲ့ပါတယ်။
Source : Reuters
