ရက်ရှ်ဖို့ဒ် ခြေစွမ်းပြန်လည်ကောင်းမွန်မှု မန်ယူအတွက် သတင်းကောင်းဖြစ်
DVB
·
April 1, 2025
တိုက်စစ်မှူး ရက်ရှ်ဖို့ဒ်ရဲ့ ခြေစွမ်း ပြန်လည်ကောင်းမွန်လာတာက မန်ယူအသင်းအတွက် သတင်းကောင်းဖြစ်ကြောင်း နည်းပြ ရူဘင်အာမိုရင်က ပြောသွားပါတယ်။
အင်္ဂလန်တိုက်စစ်မှူးဟာ မန်ယူမှာ ပွဲထွက်ခွင့်မရ ဖြစ်ခဲ့တာကြောင့် အက်စတွန်ဗီလာဆီ ရာသီဝက် အငှားစာချုပ်နဲ့ ပြောင်းရွှေ့ကစားနေတာပါ။
ရက်ရှ်ဖို့ဒ်ဟာ ဗီလာမှာ ခြေစွမ်းပြနေပြီး အက်ဖ်အေဖလားပွဲစဉ်မှာ အသင်းအတွက် ပထမဆုံး ဂိုးသွင်းယူနိုင်ခဲ့သလို အင်္ဂလန်လက်ရွေးစင်အသင်းမှာလည်း ပြန်လည်ရွေးချယ်ခံခဲ့ရတာပါ။
လက်ရှိအချိန်မှာ ရက်ရှ်ဖို့ဒ်က မိမိရဲ့ကစားသမားမဟုတ်ပေမဲ့ အငှားချထားတဲ့ ကစားသမားတွေ စွမ်းဆောင်ရည်ကောင်း ပြသနေတာက အသင်းအတွက် သတင်းကောင်းဖြစ်ကြောင်း၊ ရှေ့ဆက် ပွဲတွေအများကြီး ကစားစရာကျန်သေးပြီး မိမိအသင်းမှာရှိနေတဲ့ ကစားသမားတွေအပေါ်မှာပဲ အာရုံစိုက်ထားကြောင်း နည်းပြအာမိုရင်က ပြောသွားပါတယ်။
Photo: Reuters
