ကရင်ပြည်နယ်၊ ဘားအံခရိုင်၊ လှိုင်းဘွဲမြို့နယ်ရှိ စစ်​ကောင်စီတပ်ရဲ့ ခလယ်ဒေးစခန်းကို ကရင်အမျိုးသားလွတ်မြောက်ရေးတပ်မတော် (KNLA) ပူး​ပေါင်းတပ်က မတ် ၂၃ ရက်​ မွန်းလွဲပိုင်းမှာ စခန်းသိမ်းတိုက်ပွဲ ဆင်နွှဲနေပါတယ်။

တိုက်ပွဲမှာ ကရင်​တော်လှန်​ရေးတပ်တွေဘက်က ခလယ်ဒေး စစ်​ကောင်စီတပ်စခန်းကို သိမ်းပိုက်ရရှိဖို့ ဒရုန်းနဲ့ တိုက်ခိုက်နေသလို စခန်းပတ်ပတ်လည်ကိုလည်း ဝိုင်းထားပါတယ်။

စစ်​ကောင်စီဘက်ကလည်း  YAK 130 ဂျက်တိုက်​လေယာဥ်နဲ့ ပေါင် ၅၀၀ ဗုံးသီး ၂ လုံး နဲ့ ကြဲချ တိုက်ခိုက်ခဲ့ပါတယ်။

အဲဒီစစ်​ကောင်စီတပ်စခန်းဟာ မြန်မာ-ထိုင်းနယ်စပ် ၁ မိုင်သာသာမှာ တည်ရှိ​နေတာကြောင့် ရာနဲ့ချီတဲ့ ဒေသခံပြည်သူ​တွေ တိုက်ပွဲလွတ်​မြောက်ရာ ထိုင်းနိုင်ငံဘက်ကို ထွက်ပြေး စစ်ဘေး​ရှောင်နေကြရပါတယ်။

စစ်​ရှောင်ရာမှာ အမျိုးသမီးတွေ၊  ကလေးငယ်တွေနဲ့ သက်ကြီးရွယ်အိုတွေပါ ပါဝင်တဲ့အတွက် ထိုင်းစစ်တပ်က လူသားချင်းစာနာတဲ့အနေနဲ့ သောက်ရေနဲ့  အစားအစာတွေ ​ထောက်ပံ့ကူညီ ပေးနေပါတယ်။