စစ်အင်အားတိုးမြှင့်ဖို့နဲ့ စီးပွားရေးတိုးမြှင့်ဖို့ သမိုင်းဝင် ကြွေးမြီပြောင်းလဲမှုကို ဂျာမနီပါတီတွေက သဘောတူခဲ့ပါတယ်။

ဂျာမနီရဲ့ ကွန်ဆာဗေးတစ်နဲ့ ဆိုရှယ်ဒီမိုကရက်တို့က အခြေခံအဆောက်အအုံနဲ့ ကာကွယ်ရေးအတွက် အသုံးပြုတာကို ချေးငှားရတဲ့ စည်းမျည်းတွေကို ပြောင်းလဲဖို့ သဘောတူတဲ့ အဆိုကို ကြေညာခဲ့ပါတယ်။

ပြီးခဲ့တဲ့လ ရွေးကောက်ပွဲအပြီးမှာ ကွန်ဆာဗေးတစ်ပါတီနဲ့ ဆိုရှယ်ဒီမိုကရက်တို့ဟာ ညွှန့်ပေါင်းအစိုးရဖွဲ့ဖို့ ဆွေးနွေးခဲ့တာပါ။

အမေရိကန်နိုင်ငံရဲ့ ယူကရိန်းနိုင်ငံအပေါ် စစ်ရေးထောက်ပံ့မှုတွေ ရပ်ဆိုင်းခဲ့တာကြောင့် ဂျာမနီပါတီတွေက စစ်သုံးစရိတ်တိုးမြှင့်ဖို့ ဆုံးဖြတ်ခဲ့တာလည်း ဖြစ်ပါတယ်။

“ကျနော်တို့ရဲ့ ဥရောပတိုက်မှာ လွတ်လပ်မှုကို ခြိမ်းခြောက်တာမျိုး မြင်ရပါတယ်။ ဘယ်လိုပဲဖြစ်ဖြစ် ကျနော်တို့ရဲ့ ကာကွယ်ရေးကို တိုးမြှင့်ရမှာပါ။ အမေရိကန်ဟာ အနာဂတ်မှာလည်း ကျနော်တို့နဲ့ မဟာမိတ်တွေအဖြစ် အပြန်အလှန် ရပ်တည်ပေးမှုတွေ ပြုလုပ်ဖို့ အလေးထားပါတယ်။ ဒါပေမဲ့ ကျနော်တို့ရဲ့ နိုင်ငံနဲ့ မဟာမိတ်တွေအတွက် ကာကွယ်ရေးအင်အား ဖြည့်တင်းဖို့ အရေးကြီးနေပါပြီ” လို့ ကွန်ဆာဗေးတစ်ပါတီခေါင်းဆောင် မတ်ဇ်က ပြောပါတယ်။

လာမယ့်အပတ်မှာ ကျင်းပမယ့် အောက်လွှတ်တော်မှာ စီးပွားရေးထုတ်လုပ်မှုပမာဏရဲ့ ၁ ရာခိုင်နှုန်းကို ချေးငွေရပ်တန့်ခြင်းမရှိဘဲ အသုံးပြုနိုင်ဖို့ ဖွဲ့စည်းပုံပြင်ဆင်ရေးဆိုင်ရာ အဆိုတင်သွင်းမှာ ဖြစ်ပါတယ်။

မတ်ဇ်က ဥရောပက ကြီးထွားဖို့ လိုအပ်လာကြောင်း၊ ကိုယ်တိုင်ကာကွယ်နိုင်ဖို့ လိုအပ်ကြောင်းနဲ့ ဒီလိုဖြစ်အောင် တဆင့်ပြီးတဆင့် သွားရမှာဖြစ်ကြောင်း ပြောဆိုခဲ့ပါတယ်။

Source : Reuters