တိုက်စစ်မှူး စီရော်နယ်ဒိုဟာ မန်ယူကွင်းလယ်လူ ကတ်စမီရိုကို ခေါ်ယူပေးဖို့ အယ်လ်နာဆာ အသင်းကို တောင်းဆိုလိုက် ပါတယ်။ 

ရော်နယ်ဒိုနဲ့ ကတ်စမီရိုတို့ဟာ စပိန်ကလပ် ရီးရဲလ်မက်ဒရစ်မှာ တွဲဖက်ကစားခဲ့ကြသူတွေဖြစ်ပြီး စုစုပေါင်း ဆုဖလား ၁၂ လုံးရယူနိုင်ခဲ့ပါတယ်။

စီရော်နယ်ဒိုဟာ အယ်လ်နာဆာအသင်းနဲ့ ၆ လ သက်တမ်းသာ ကျန်ရှိတော့ပေမဲ့ ကတ်စမီရိုကို ခေါ်ယူဖို့ အသင်းကိုတိုက်တွန်းခဲ့တယ်လို့ သိရပါတယ်။

စပိန်သတင်းစာ မာကာကတော့ အမေရိကန်မေဂျာလိဂ်ဆီပြောင်းရွှေ့တာက စီရော်နယ်ဒိုအတွက် အချိန်ကောင်းအခါကောင်းဖြစ်ပြီး ပီလီ၊ မက်ဆီတို့ရဲ့ ခြေရာအတိုင်း လိုက်ပါသင့်ကြောင်း ဖော်ပြပါတယ်။

ကတ်စမီရိုကို တခြားဆော်ဒီကလပ်တွေကလည်းခေါ်ယူလိုနေပြီး အယ်နာဆာအသင်းအနေနဲ့ ပြိုင်ဘက်တွေထက် လက်ဦးမှုရယူပြီး ခေါ်ယူဖို့ လိုအပ်မှာ ဖြစ်ပါတယ်။ 

Photo: Reuters