ခရစ္စတယ်ပဲလေ့စ်နဲ့ပွဲမှာ ပထမပိုင်းက ခြေစွမ်းအရ မန်ယူအသင်း အနိုင်ရရှိသင့်ကြောင်း နည်းပြတန်ဟတ်ဂ်က ပြောသွားပါတယ်။

မန်ယူအသင်းဟာ စက်တင်ဘာ ၂၁ ရက် မနေ့ညက ကစားခဲ့တဲ့ ပဲလေ့စ်နဲ့ ပရီးမီးယားလိဂ်ပွဲစဉ်မှာ ဂိုးသွင်းခွင့်တွေကို အသုံးမချနိုင်ခဲ့ဘဲ ဂိုးမရှိ သရေရလဒ်နဲ့သာ ကျေနပ်ခဲ့ရတာပါ။ 

သရေကျခဲ့ပေမဲ့ ပထမပိုင်းက ခြေစွမ်းအရဆိုရင် ၁ ဂိုး ၂ ဂိုးလောက် ရရှိသင့်ပြီး အနိုင်ရရှိသင့်တဲ့ ပွဲစဉ်ဖြစ်ကြောင်း နည်းပြတန်ဟတ်ဂ်က ပြောခဲ့တာပါ။

အသင်းတိုက်စစ်ကစားသမားတွေအနေနဲ့ ဂိုးဧရိယာရှေ့မှာ ပါးနပ်မှုရှိဖို့ လိုအပ်ပြီး အဲဒီအချက်က ပြင်ဆင်သွားဖို့လိုအပ်နေတဲ့အရာ ဖြစ်ကြောင်း နည်းပြတန်ဟတ်ဂ်က ပြောသွားပါတယ်။