စူပါတိုက်ဖုန်းယာဂီဟာ စက်တင်ဘာ ၆ ရက်မှာ တရုတ်နိုင်ငံရဲ့ ဟိုင်နန်ဒေသ ကမ်းခြေတလျောက် ကို စတင် ဝင်ရောက်ခဲ့ပါတယ်။
ယာဂီမုန်တိုင်းဟာ စက်တင်ဘာ ၄ ရက်က အားကောင်းတဲ့ စူပါတိုက်ဖွန်းမုန်တိုင်းဖြစ်လာပြီး တရုတ်တောင်ပိုင်းကို စတင်ဝင်ရောက်နေတာပါ။
အဲ့ဒီဒေသမှာ မုန်တိုင်းတိုက်ခိုက်မှုနဲ့ မိုးကြီးမှုတွေကြောင့် ကျောင်းတွေကို ဆက်ပိတ်ထားရပြီး တောင်တရုတ်ပင်လယ် ဒေသလေကြောင်း ခရီးစဉ်တွေအားလုံး ဖျက်သိမ်းထားပါတယ်။
ယာဂီမုန်တိုင်းကြောင့် ဖိလစ်ပိုင်နိုင်ငံတောင်ပိုင်းမှာ လူ ၁၆ ဦး ဒီတပတ်အစောပိုင်းက သေဆုံးခဲ့ပြီး ဟိုင်နန်ကျွန်းကို မုန်တိုင်း တိုက်ခိုက်ခဲ့ပါတယ်။
တရုတ်ရုပ်သံ CCTVက အပင်တွေအမြစ်က ကျွတ်ထွက်မှုတွေ၊ လေပြင်းတိုက်မှုတွေ၊ ဟိုင်နန် ဒေသခံတွေ အဆောက်အအုံတွေထဲ ခိုလှုံနေရတာတွေ ဖော်ပြခဲ့ပါတယ်။
ယာဂီမုန်တိုင်းရဲ့ လေတိုက်နှုန်းက တနာရီကို ၁၄၅ မိုင်ရှိပြီး ၂၀၂၄ ခုနှစ်ရဲ့ ကမ္ဘာ့ဒုတိယအင်အား အကောင်းဆုံး ဆိုက်ကလုန်းမုန်တိုင်းအဖြစ် သတ်မှတ်ထားကြပါတယ်။
ဒီနှစ်အတွင်း အပြင်းထန်ဆုံး မုန်တိုင်းကတော့ ပစိဖိတ်မှာ တိုက်ခိုက်ခဲ့တဲ့ ဘာရီမုန်တိုင်ဖြစ်ပြီး ပြင်းအားအဆင့် ၅ ရှိတယ်လို့ သတ်မှတ်ထားပါတယ်။
ဟိုင်နန်ကို ဝင်ရောက်ခဲ့တဲ့ မုန်တိုင်းတွေအနက် ယာဂီမုန်တိုင်းဟာ ၂၀၁၄ နောက်ပိုင်း အပြင်းထန်ဆုံး မုန်တိုင်းပဲဖြစ်ပါတယ်။
ဟိုင်နန်ကို ရမ်မာဆန်မုန်တိုင်း ဝင်ရောက်ခဲ့ဖူးပြီး အဲ့ဒီတုန်းက လူ ၈၈ ဦးသေဆုံးခဲ့ကာ ယွမ် ၄၄ ဘီလီယံ ပျက်စီးဆုံးရှုံးခဲ့ဖူးပါတယ်။
Source-Reuters
