ဂျာမနီဂိုးသမား နူအာက လက်ရွေးစင်အသင်းကနေ အနားယူပြီဖြစ်ကြောင်း ဩဂုတ် ၂၁ ရက်မှာ ကြေညာခဲ့ပါတယ်။
၂၀၀၉ ခုနှစ်ကတည်းက ဂျာမနီအသင်းမှာ ရွေးချယ်ခံခဲ့ရတဲ့ နူအာဟာ နိုင်ငံအတွက် ပွဲပေါင်း ၁၂၄ ပွဲ ကစားခဲ့သူဖြစ်ပြီး ၂၀၁၄ ကမ္ဘာ့ဖလားပြိုင်ပွဲမှာ ရွှေလက်အိတ်ဆုရခဲ့သူဖြစ်ပါတယ်။
အသက် ၃၈ နှစ်အရွယ်ရှိ နူအာဟာ ဂျာမနီအသင်းအတွက် ကမ္ဘာ့ဖလားပြိုင်ပွဲ ၄ ကြိမ် ကစားခဲ့သူဖြစ်ပြီး ၂၀၁၄ ခုနှစ်မှာ ကမ္ဘာ့ဖလားချန်ပီယံဆုရရှိအောင် စွမ်းဆောင်ပေးနိုင်ခဲ့ပါတယ်။
ယူရိုပြိုင်ပွဲ ၄ ကြိမ် ယှဉ်ပြိုင်ခဲ့ဖူးတဲ့ နူအာကို အချိန်တိုင်းအတွက် အကောင်းဆုံး ဂိုးသမားတွေထဲက တဦးဖြစ်တယ်လို့ ဂျာမနီဘောလုံးအဖွဲ့ချုပ်က ထုတ်ဖော် ချီးကျူးထားပါတယ်။
ကလပ်အသင်းနဲ့ နိုင်ငံအသင်းမှာပါ အသင်းခေါင်းဆောင်အဖြစ် တာဝန်ယူခဲ့တဲ့ နူအာဟာ ၂၀၁၁ ကနေ ၂၀၂၀ အထိ ၁၀ စုနှစ်အတွင်း အကြီးကျယ်ဆုံးဂိုးသမားအဖြစ် IFFHS ရဲ့ မှတ်တမ်းတင်ခြင်း ခံထားရသူဖြစ်ပါတယ်။
ဒါ့အပြင် နူအာဟာ အီတလီဂိုးသမား ဘတ်ဖွန်၊ စပိန်ဂိုးသမား ကာဆီးလက်စ်တို့လိုမျိုး IFFHS မှာ ၅ ကြိမ်မြောက် အကောင်းဆုံးဂိုးသမားအဖြစ် ရပ်တည်နေတာဖြစ်ပါတယ်။
နူအာဟာ ၂၀၁၄ ခုနှစ်မှာ ကမ္ဘာ့အကောင်းဆုံး ကစားသမားစာရင်း တတိယနေရာမှာ ရပ်တည်နိုင်ခဲ့သူဖြစ်ပြီး ဥရောပအကောင်းဆုံးဂိုးသမားဆုကို ၅ ကြိမ်ရထားပြီး စံချိန်တင်ထားသူ ဖြစ်ပါတယ်။
Source-Reuters
Photo-Reuters
