ဘရိုက်တန်အသင်းဟာ ပြင်သစ်တိုက်စစ်မှူး ဂျော်ဂျင်နီယို ရက်ဒါကို ကလပ်စံချိန်တင်ပြောင်းရွှေ့ကြေးအဖြစ် ပေါင်သန်း ၄၀ နဲ့ ခေါ်ယူခဲ့ပါတယ်။ 

အသက် ၂၂ နှစ်ရှိ တိုက်စစ်မှူးဟာ ဘရိုက်တန်နဲ့ ၅ နှစ်စာချုပ် ချုပ်ဆိုခဲ့ပြီး ရက်ဒါဟာ နည်းစနစ်ပိုင်း ကောင်းမွန်ပြီး ခြေစွမ်းဆက်လက်တိုးတက်လာဖို့ လုပ်ဆောင်သွားမယ်လို့ နည်းနစ်ဒါရိုက်တာ ဒေးဗစ်ဝီယာက ပြောပါတယ်။  

အရပ် ၆ ပေရှိ ပြင်သစ် တိုက်စစ်မှူးဟာ ကစားသမားဘဝကို ပြင်သစ်ကလပ် ရင်းနက်စ်နဲ့ စတင်ခဲ့ပြီး ၂၀၂၀ ပြည့်နှစ်မှာ ဂျာမန်ကလပ် ဟော့ဖမ်ဟိမ်အသင်းမှာ ၂ နှစ်ခွဲကြာ ကစားခဲ့ပါတယ်။

၂၀၂၂ ခုနှစ်မှာ လိဒ်ယူနိုက်တက်ဆီ ပြောင်းရွှေ့လာခဲ့ပြီး မနှစ်ကရာသီက ၈ ဂိုးသွင်းပြီး ၁၆ ကြိမ် ဂိုး ဖန်တီးနိုင်ခဲ့သူပါ။ 

ဘရိုက်တန်အသင်းကို အသက် ၃၁ နှစ်ရှိ နည်းပြ ဟာဇယ်လာက တာဝန်ယူနေပြီး ပရီးမီးယားလိဂ်ရဲ့ အသက်အငယ် ဆုံးနည်းပြအဖြစ် မှတ်တမ်းဝင်ထားပါတယ်။