မန်ယူကစားသမားဟောင်း နာနီဟာ မွေးရပ်မြေကလပ် အက်စ်ထရီလာ အမာဒိုရာ အသင်းဆီ ပြောင်းရွှေ့သွားပါတယ်။
အသက် ၃၇ နှစ်ရှိပြီဖြစ်တဲ့ ပေါ်တူဂီလက်ရွေးစင်ကစားသမားဟောင်းဟာ မနှစ်ကရာသီက တူရကီကလပ် ဒီမာစပေါ်မှာ တရာသီကစားခဲ့ပြီး ၄ ဂိုးသွင်းခဲ့ပါတယ်။
အသင်းနဲ့ စာချုပ်သက်တမ်းကုန်ဆုံးသွားတဲ့နောက်မှာ မွေးရပ်မြေကလပ် အမာဒိုရာဆီပြန်လည် ပြောင်းရွှေ့ လာခဲ့တာပါ။
နာနီဟာ အမာဒိုရာမြို့မှာ ကြီးပြင်းခဲ့သူဖြစ်လို့ သူ့အတွက် ထူးခြားတဲ့ မြို့ဖြစ်ပြီး မြို့ရဲ့ ဂုဏ်ဆောင်ကစားသမားကို ပြန်လည်ခေါ်ယူနိုင်ခဲ့တာဖြစ်ကြောင်း ပေါ်တူဂီကလပ်အမာဒိုရာ အသင်းက ကြေညာပါတယ်။
နာနီဟာ ပရော်ဖက်ရှင်နယ်ကစားသမားဘဝကို စပို့တင်းနဲ့စတင်ခဲ့ပြီ ၂၀၀၇ ခုနှစ်မှာ မန်ယူအသင်းဆီ ပြောင်းရွှေ့ကာ ၇ နှစ်ကြာကစားခဲ့ပြီးအောင်မြင်မှုတွေ ရယူနိုင်ခဲ့သူပါ။
အဲဒီနောက် စပို့တင်းဆီပြန်လည်ပြောင်းရွှေ့ခဲ့ပြီး ဖီနာဘာချီ၊ ဗလင်စီယာ၊ လာဇီယို၊ အော်လန်ဒို၊ ဗင်နီဇီယာ၊ မဲလ်ဘုန်း အသင်းတွေမှာလည်း ကစားခဲ့ပါတယ်။
Photo-Reuters
