ဒေါ်လာ ဘီလီယံ ၁၀၀ တန် အာကာသယာဉ်တည်ဆောက်မဲ့ စက်ရုံဝင်းကြီးတခု လူဝီစီယားနားပြည်နယ်မှာ တည်ဆောက်ဖို့ အစီအစဉ်ရှိတယ်လို့ SpaceX က ဩဂုတ် ၂၅ ရက်မှာ ပြောပါတယ်။
စွတ်စိုတဲ့ ကမ်းခြေမှာ အခြေချဆောက်လုပ်ဖို့ ရည်ရွယ်ထားပြီး ကုမ္ပဏီရဲ့ AI ဂြိုဟ်တုတွေကို လွှတ်တင်ဖို့ ရည်ရွယ်ထားပါတယ်။
ပီကန်ကျွန်းပေါ် ဧက ၁၂၅,၀၀၀ အကျယ်အဝန်းရှိတဲ့နေရာမှာ တည်ဆောက်မှာဖြစ်ပြီး Starbase လို့ ခေါ်ဝေါ်မှာဖြစ်ပါတယ်။
လူဝီစီယားနားမှာ အခုလို တည်ဆောက်တာက တက္ကဆက်နဲ့ ဖလော်ရီဒါတောင်ပိုင်းတို့မှာလည်း တိုးချဲ့လုပ်ငန်းတွေ လုပ်ဆောင်နိုင်ဖို့ ရည်ရွယ်ပါတယ်။
တနှစ်ကို အာကာသယာဉ် ထောင်ပေါင်းများစွာ စေလွှတ်နိုင်ဖို့ ရည်ရွယ်ထားတယ်လို့ SpaceX ဥက္ကဋ္ဌက ပြောပါတယ်။
ဆောက်လုပ်ရေးလုပ်ငန်းတွေကို လာမဲ့နှစ်မှာ စတင်မှာဖြစ်ပြီး ၂၀၂၉ ခုနှစ်မှာ ပထမဆုံး အာကာသယာဉ် လွှတ်တင်မယ်လို့ SpaceX က အစီရင်ခံစာမှာ ဖော်ပြပါတယ်။
SpaceX ဟာ ကိုယ်ပိုင်လျှပ်စစ်၊ ရေနက်ပိုင်းသယ်ယူရေးစွမ်းရည်၊ ကိုယ်ပိုင်လောင်စာထုတ်လုပ်မှု၊ ယာဉ်ပြုပြင်ရေး၊ လေဆိပ်တွေ ပါဝင်မယ်လို့ SpaceX ဥက္ကဋ္ဌ ရှော့ဝဲလ်က ပြောပါတယ်
လူဝီစီယားနားပြည်နယ်မှာ အလုပ်အကိုင် ၃,၀၀၀ ကျော် ပေးနိုင်မယ်လို့ SpaceX က ပြောထားပါသေးတယ်။
SpaceX သာ လုပ်ငန်းတည်နေရာ အနီးအနားမှာ နေထိုင်တဲ့ ဒေသခံတွေရဲ့ မြေတွေ အတင်းအကျပ် ရောင်းချဖို့ ဖိအားပေးတာနဲ့ ရေနဲ့ သဘာဝပတ်ဝန်းကျင် ညစ်ညမ်းမှုတွေကို ဒေသခံတွေရဲ့ ဆန့်ကျင်မှုတွေနဲ့ ကြုံတွေ့ခဲ့ရဖူးပါတယ်။
SpaceX ဟာ ဖလော်ရီဒါ၊ ကယ်လီဖိုးနီးယားနဲ့ တက္ကဆက်တို့ကနေ ဒုံးပျံတွေ နှစ်ပေါင်းများစွာ လွှတ်တင်ခဲ့ပါတယ်။
