ပြင်သစ်အသင်းရဲ့ စွမ်းဆောင်ရည်အပေါ် ဝေဖန်နေသူတွေကို ကွင်းလယ်တိုက်စစ်ကစားသမား ဂရစ်မန်းက ပြန်လည် ဝေဖန်သွားပါတယ်။
ပြင်သစ်အသင်းဟာ ယူရိုပြိုင်ပွဲ ပွဲစဉ် ၄ ပွဲ ကစားအပြီးမှာ အမ်ဘာပေ တဦးတည်းကသာ ပင်နယ်တီကနေ ဂိုးသွင်းခဲ့ပြီး ကျန်တဲ့ ရဂိုး ၂ ဂိုးက ပြိုင်ဘက်ကစားသမားတွေရဲ့ ကိုယ့်ဂိုးကိုယ်သွင်းယူမှုတွေကနေ ဂိုးရခဲ့တာပါ။
စုစုပေါင်း ၄ ပွဲမှာ ၃ ဂိုးပဲရခဲ့တဲ့ တိုက်စစ်ပိုင်းမှာလည်း ဝေဖန်မှုတွေ ရှိခဲ့တဲ့အပေါ် ခံစစ်ကောင်းမွန်ဖို့ အရေးပါကြောင်းနဲ့ ကွာတားဖိုင်နယ်အဆင့် တက်လှမ်းနိုင်ခဲ့ပြီဖြစ်ကြောင်း ဂရစ်မန်းက ပြောပါတယ်။
မာကျောတဲ့ခံစစ်မရှိဘဲ ရှေ့ဆက်သွားလို့ မရနိုင်ဘဲ အသင်းရဲ့ စနစ်အသစ်မှာ အသားကျဖို့ လိုအပ်ကြောင်း၊ ညာတောင်ပံမှာ နေရာပြောင်းကစားရတဲ့အပေါ်မှာလည်း ကိစ္စမရှိကြောင်း ဂရစ်မန်းက ပြောသွားပါတယ်။
ပြင်သစ်အသင်းဟာ ကွာတားဖိုင်နယ်မှာ ပေါ်တူဂီအသင်းနဲ့ ယှဉ်ပြိုင်သွားရမှာ ဖြစ်ပါတယ်။
