ကွယ်လွန်သွားပြီဖြစ်တဲ့ စစ်တပ်ခန့် ယာယီသမ္မတ ဦးမြင့်ဆွေကို ဥရောပသမဂ္ဂ (EU) က အရေးယူ ပိတ်ဆို့ခံထားရတဲ့ စာရင်းကနေ ဖယ်ရှားပေးလိုက်ပါတယ်။

ဒါပေမဲ့ ကျန်အရေးယူခံထားရဆဲ လူပုဂ္ဂိုလ် ၁၀၅  ယောက်နဲ့ အဖွဲ့အစည်း ၂၂ ခုကိုတော့ ၂၀၂၇ ခုနှစ်၊ ဧပြီ ၃၀ ရက်အထိ နောက်ထပ် ၁ နှစ် သက်တမ်းတိုးလိုက်တယ်လို့ ဥရောပသမဂ္ဂက ဧပြီ ၂၇ ရက်မှာ ကြေညာပါတယ်။

ဒါ့အပြင် မြန်မာနိုင်ငံတွင်းက ဆိုးရွားတဲ့ လူ့အခွင့်အရေးချိုးဖောက်မှုတွေအတွက် တာဝန်ရှိတဲ့ သူတွေကို နောက်ထပ် ပိတ်ဆို့မှုတွေချမှတ်ဖို့ ဥရောပသမဂ္ဂက အသင့်ရှိနေတယ်လို့လည်း ထုတ်ပြန်ချက်မှာ ဆိုထားပါတယ်။

နိုင်ငံတကာရဲ့ အရေးယူပိတ်ဆို့မှုခံထားရသူတွေနဲ့ ပတ်သက်တဲ့ အချက်အလက်တွေကို DVB ရဲ့ Myanmar Sanctions Monitor Dashboard မှာ အချိန်နဲ့ တပြေးညီ ဝင်ရောက် ကြည့်ရှု နိုင်ပါတယ်။

Dashboard အား ဝင်ရောက်ကြည့်ရှုရန် Link

 - https://burmese.dvb.no/sanctions