ပြိုင်ဘက်အသင်းတွေကို ခိုးယူထောက်လှမ်းခဲ့လို့ ချန်ပီယံရှစ် ပလေးအော့ဖ်ကနေ ထုတ်ပယ်ခံခဲ့ရတဲ့ ဆောက်သမ်တန်အသင်းရဲ့ အသေးစိတ်အစီရင်ခံစာနဲ့ WhatsApp မက်ဆေ့ခ်ျတွေ ပေါက်ကြားလာပါတယ်။

အဆိုပါအစီရင်ခံစာအရ နည်းပြ အက်ကာ့တ်ဟာ အလုပ်သင်ဝန်ထမ်း ဝီလျံဆော့ဖ်ကို အလုပ်ပြုတ်မှာ စိုးရိမ်အောင် ဖိအားပေးပြီး ပြိုင်ဘက် မစ်ဒယ်ဘရော့နဲ့ အောက်စဖို့ဒ်အသင်းတို့ရဲ့ လေ့ကျင့်ရေးတွေကို ဗီဒီယိုခိုးရိုက်ခိုင်းခဲ့တာ ဖြစ်ပါတယ်။

အောက်စဖို့ဒ်အသင်းကို ထောက်လှမ်းအပြီးမှာ စီနီယာဝန်ထမ်းတယောက်က “မင်းဟာ လူစွမ်းကောင်းပဲ၊ မန်နေဂျာ အရမ်းသဘောကျသွားတယ်” လို့ မက်ဆေ့ခ်ျပို့ခဲ့တာတွေလည်း စစ်ဆေးတွေ့ရှိခဲ့ပါတယ်။

ဒါ့အပြင် အစ်ဝစ်ချ်အသင်းကို ထောက်လှမ်းဖို့အတွက် ဆောက်သမ်တန်ဝန်ထမ်းကို အသင်းဝတ်စုံ ပံ့ပိုးပေးခဲ့တဲ့ လိဂ်ပြင်ပကလပ် အိစ်တ်လေးအသင်းလည်း အက်ဖ်အေရဲ့ အရေးယူမှုကို ရင်ဆိုင်ရဖွယ် ရှိနေပါတယ်။