အစ်ဆွစ်ချ်အသင်းဟာ ချန်ပီယံရှစ်မှာ ဒုတိယနေရာမှာရပ်တည်ခဲ့တာကြောင့် နှစ်ပေါင်း ၂၂ နှစ်အကြာမှာ ပထမဆုံးအကြိမ် ပရီးမီးယားလိဂ်ဆီ တန်းတက်ခွင့်ရရှိခဲ့ပါတယ်။
မနေ့ညက ကစားသွားတဲ့ ချန်ပီယံရှစ် နောက်ဆုံးပွဲစဉ်တွေမှာ အစ်ဆွစ်ချ်အသင်းဟာ ဟတ်ဒါဖီးလ်တောင်းကို ၂ ဂိုး ဂိုးမရှိနဲ့ အနိုင်ရခဲ့ပြီး ချန်ပီယံလက်စတာစီးတီးနဲ့ တစ်မှတ်အကွာ ဒုတိယနေရာမှာ ရပ်တည်နိုင်ခဲ့တာပါ။
၂၀၂၂-၂၀၂၃ ရာသီတုန်းက လိဂ်ဝမ်းနေ တန်းတက်လာခဲ့တဲ့ အစ်ဆွစ်ချ်ဟာ ချန်ပီယံရှစ်ကနေလည်း တန်းတက် ခွင့်ရရှိတာကြောင့် နှစ်ရာသီဆက်တိုက် တန်းတက်နိုင်ခဲ့တဲ့အသင်းအဖြစ် မှတ်တမ်းဝင်ခဲ့တာပါ။
နည်းပြချုပ်ဖြစ်သူ မက်ကန်နာဟာ မန်ယူအသင်းနည်းပြအဖွဲ့ဝင်တဦးဖြစ်ပြီး ၂၀၂၁ ခုနှစ်ကတည်းက အစ်ဆွစ်ချ်အသင်းကို တာဝန်ယူခဲ့တာပါ။
ချန်ပီယံရှစ်ပွဲစဉ်တွေအပြီးမှာ လိဒ်ယူနိုက်တက်နဲ့ နောဝှစ်ချ်၊ ဆောက်သမ်တန်နဲ့ ဝက်စ်ဘရွန်းတို့က ပလေးအော့ဖ်ဆီမီးဖိုင်နယ်ပွဲစဉ်တွေ ကစားသွားရမှာပါ။
ဘာမင်ဂမ်၊ ဟတ်ဒါဖီးလ်တောင်းနဲ့ ရော့သာဟမ်အသင်းတွေကတော့ တန်းဆင်းသွားခဲ့ရပါတယ်။
Photo-Action Images/Peter Cziborra
