အိန္ဒိယလွှတ်တော်ရွေးကောက်ပွဲ ဒုတိယပိုင်း မဲပေးမှုတွေကို ဧပြီ ၂၆ ရက်မှာ ပြုလုပ်ခဲ့ပြီး ပြည်နယ် ၁၃ ခုမှာ မဲဆန္ဒနယ် ၈၈ ခုအတွက် ကျင်းပတာဖြစ်ပါတယ်။
ဘယ်ပါတီက အစိုးရဖွဲ့နိုင်မလဲပါ ဆုံးဖြတ်ပေးမဲ့ အောက်လွှတ်တော်အမတ် ၅၄၃ နေရာ အတွက် ရွေးကောက်ပွဲကို မဲပေးပိုင်ခွင့်ရှိသူ သန်း ၁,၀၀၀ နီးပါးက မဲပေးခွင့်ရှိတာ ဖြစ်ပါတယ်။
လူဦးရေများပြားလွန်းပြီး နယ်မြေကျယ်ပြန့်လွန်းတာကြောင့် ၇ ပိုင်းခွဲပြီး ကျင်းပရာမှာ ပထမအပိုင်းမှာ ပြည်နယ်နဲ့ နယ်မြေ ၂၁ ခုက မဲဆန္ဒရှင် သန်း ၁၀၀ ကျော် မဲပေးခဲ့ပြီး ဖြစ်ပါတယ်။
၇ ပိုင်းခွဲပြီး ကျင်းပတဲ့ ကမ္ဘာ့အကြီးဆုံးရွေးကောက်ပွဲရဲ့ ဒုတိယအပိုင်းမှာ အများအာရုံစိုက်ခံရတာကတော့ အဓိက အတိုက်အခံ ကွန်ဂရက်ပါတီရဲ့ ခေါင်းဆောင်ဟောင်း ရာဟူးဂန္ဒီ ဝင်ပြိုင်တဲ့ ကီရာလာပြည်နယ်က မဲဆန္ဒနယ် ဖြစ်ပါတယ်။
နေရူး ဂန္ဒီ မျိုးဆက်တွေထဲမှာ သူ့လက်ထက်ကျမှ ကွန်ဂရက်ပါတီဟာ တခါမှ အာဏာမရတော့သလို သူပါ ခေါင်းဆောင်နေရာက ဆင်းပေးထားရတာ ဖြစ်ပါတယ်။
အတိုက်အခံ ကွန်ဂရက်ပါတီကပဲ ကုလသမဂ္ဂ လက်ထောက်အတွင်းရေးမှူးချုပ်ဟောင်း၊ နာမည်ကျော်စာရေးဆရာ၊ ရှာရီတရောကလည်း ကီရာလာပြည်နယ်ကပဲ ဝင်ပြိုင်တာ ဖြစ်ပါတယ်။ ဒီတပတ် လူ ၁၀၆ သန်းအထိ မဲလာပေးကြမယ်လို့ ခန့်မှန်းထားပါတယ်။
Source/Photo-Reuters
