ချန်ပီယံလိဂ်ကွာတားဖိုင်နယ်မှာ တွေ့ဆုံရမယ့် ဒေါ့မွန်အသင်းက အခက်ခဲဆုံးပြိုင်ဘက်ဖြစ်တယ် လို့ အက်သလက်တီကို နည်းပြ ဆီမြွန်နီက ပြောပါတယ်။

တီကိုနဲ့ ဒေါ့မွန်အသင်းတို့ဟာ ဧပြီ ၁၁ ရက် မနက် ၁ နာရီခွဲအချိန်မှာ မက်ဒရစ်မြို့မှာ ယှဉ်ပြိုင်ကစားကြမှာပါ။

ပွဲမတိုင်ခင်သတင်းစာရှင်းလင်းပွဲမှာတော့ ဒေါ့မွန်အသင်းက အခက်ခဲဆုံးပြိုင်ဘက်ဖြစ်ပြီး အဝေးကွင်းပွဲစဉ် ရှုံးပွဲမရှိတာ ၄ လ လောက်ရှိ နေတဲ့အသင်းဖြစ်ကြောင်း တီကိုနည်းပြ ဆီမြွန်နီက ပြောပါတယ်။

ဒါ့အပြင့် အရည်အသွေးမြင့် ကစားသမားတွေလည်း အများကြီးရှိပြီး တန်ပြန်တိုက်စစ်ကစားပုံ အထူးကောင်းမွန်ကြောင်း ဆီမြွန်နီက သုံးသပ်သွားပါတယ်။

ဒေါ့မွန်နည်းပြ တာဇစ်ကတော့ တီကိုရဲ့ ခံစစ်ကစားခြင်းအနုပညာအပေါ် ချီးကျူးသွားခဲ့ပြီး ကမ္ဘာပေါ်က ဘယ်အသင်းကမှ မက်ဒရစ်မြေမှာ ကစားရလွယ်ကူမှာမဟုတ်ကြောင်း ပြောသွားပါတယ်။

source/Photo-Reuters