လီဗာပူးနောက်ခံလူ အန်ဒီရောဘတ်ဆင်ဟာ လာမဲ့နွေရာသီမှာ စာချုပ်ကုန်ဆုံးပြီး အသင်းကနေ ထွက်ခွာမယ်လို့ အတည်ပြုသွားပါတယ်။

၂၀၁၇ ခုနှစ်ကတည်းက ရောက်ရှိလာခဲ့တဲ့ ရောဘတ်ဆင်ဟာ အသင်းနဲ့အတူ ပရီးမီးယားလိဂ်နဲ့ ချန်ပီယံလိဂ် အပါအဝင် ဆုဖလား ၉ လုံးအထိ ဆွတ်ခူးပေးနိုင်ခဲ့သူပါ။

ဒီရာသီမှာတော့ နည်းပြသစ် အားနိုးဆလော့လက်အောက်မှာ လူငယ်နောက်ခံလူ ကာကက်ဇ် ရောက်ရှိလာတာကြောင့် ရောဘတ်ဆင်ဟာ ပွဲထွက်ခွင့် နည်းပါးခဲ့ပါတယ်။

ရောဘတ်ဆင်က "အခုအချိန်ဟာ အသင်းကနေ ထွက်ခွာဖို့ အချိန်တန်ပြီလို့ထင်ပါတယ်"လို့ ပြောကြားခဲ့ပြီး သူ့အနေနဲ့ အသင်းမှာ ကုန်ဆုံးခဲ့တဲ့ ၉ နှစ်တာကာလအတွက် ဂုဏ်ယူကြောင်း ဆိုခဲ့ပါတယ်။

ရာသီကုန်မှာ ရောဘတ်ဆင်အပြင် မိုဟာမက်ဆာလာပါ ထွက်ခွာမှာဖြစ်လို့ လီဗာပူးအတွက် ဂန္ထဝင်ကစားသမား ၂ ယောက်ကို  တပြိုင်နက်တည်း လက်လွှတ်ရမှာ ဖြစ်ပါတယ်။