ချန်ပီယံလိဂ်ပြိုင်ပွဲကနေ ထွက်ခဲ့ရတဲ့ မန်ယူအသင်းဟာ အပြောင်းအရွှေ့ဘတ်ဂျက်အတွက် ပေါင် ၂၈ သန်း ထိခိုက်နစ်နာသွားပါတယ်။
မန်ယူအသင်းဟာ ချန်ပီယံလိဂ်ပြိုင်ပွဲမှာ အုပ်စုအောက်ဆုံးနေရာမှာသာ ရပ်တည်နိုင်ခဲ့လို့ ယူရိုပါလိဂ်ပြိုင်ပွဲ ဆက်လက်ယှဉ်ပြိုင်ခွင့်လည်း ဆုံးရှုံးခဲ့တာပါ။
ဒီအခြေအနေကြောင့် ဇန်နဝါရီအပြောင်းအရွှေ့မှာ ကစားသမား ခေါ်ယူရေးမှာ ဘတ်ဂျက် လျော့နည်းသွားမှာဖြစ်တယ်လို့ သိရပါတယ်။
ချန်ပီယံလိဂ်ပြိုင်ပွဲ အုပ်စုအဆင့်မှာ တစ်ပွဲအနိုင်ရမယ်ဆိုရင် ပေါင် ၂ ဒသမ ၈သန်းရရှိပြီး သရေပွဲဆိုရင် ပေါင် ၈ သိန်း၊ ၁၆ သင်းအဆင့် တက်မယ်ဆိုရင် ပေါင် ၈ ဒသမ ၃သန်း စသဖြင့် အသီးသီး ရရှိကြတာပါ။
လာမယ့် ဇန်နဝါရီမှာ ဂျေဒန်ဆန်ချိုနဲ့ ဗန်ဒီဘိခ်တို့ကို အငှားချသွားဖို့ရှိပြီး အသင်းရှိကစား သမားတွေကိုပါ ရောင်းချသွားဖို့ရှိတယ်လို့ အသင်းနဲ့သက်ဆိုင်တဲ့ သတင်းရင်းမြစ်တွေကို ကိုးကားပြီး မီဒီယာတွေက ဖော်ပြကြပါတယ်။
မန်ယူအသင်းဟာ ဘဏ္ဍာရေးစည်းမျဉ်းတွေနဲ့ ကိုက်ညီဖို့အတွက် မာစီယယ်၊ ဗာရန်းနဲ့ ကတ်စမီရိုတို့ကို လာမယ့် ဇန်နဝါရီအပြောင်းအရွှေ့မှာ ရောင်းချရနိုင်တယ်လို့လည်း သိရပါတယ်။
Photo - Reuters
