နယူးဇီလန်နိုင်ငံမှာ ဆေးလိပ်ရောင်းချမှုတားမြစ်ရေး ဥပဒေကို ပြန်လည်ရုပ်သိမ်းမယ့် အစီအစဉ်ဟာ အသက်များစွာအပေါ် ခြိမ်းခြောက်နေတယ်လို့ နိုဝင်ဘာ ၂၅ ရက်မှာ စည်းရုံးလှုံ့ဆော်သူတဦးက ပြောလိုက်ပါတယ်။

နယူးဇီလန်ဝန်ကြီးချုပ်သစ် ခရစ္စတိုဖာလက်စ်ဆွန် ဦးဆောင်တဲ့ ဗဟိုလက်ယာယိမ်း ညွန့်ပေါင်းအစိုးရက အနာဂတ် မျိုးဆက်သစ်အတွက် ရည်ရွယ်ထားခဲ့တဲ့ ဥပဒေတွေကို ဖျက်သိမ်းနိုင်ဖို့အတွက် ကြိုးပမ်းလာတာ ဖြစ်ပါတယ်။

အဲ့ဒီဥပဒေတွေကို လေဘာပါတီ ဦးဆောင်တဲ့ အရင်အစိုးရဟောင်းက ပြဋ္ဌာန်းခဲ့တာကြောင့် ဖြစ်နိုင်တယ်လို့ နိုဝင်ဘာ ၂၄ ရက်မှာ ထုတ်ပြန်ခဲ့တဲ့ ညွန့်ပေါင်းသဘောတူညီချက်အရ သိရပါတယ်။

ASH အဖွဲ့ရဲ့ ဒါရိုက်တာ ဘန်ယူဒန် ကတော့ ဒီစီမံချက်တွေဟာ “လူထောင်ပေါင်းများစွာနဲ့ အသက်ထောင်ပေါင်းများစွာကို ကယ်တင်နိုင်မယ့်” ကမ္ဘာ့ထိပ်တန်းမူဝါဒတခု ဖြစ်တယ်ဆိုပြီး မှတ်ချက်ပေးပါတယ်။

၂၀၀၉ ခုနှစ်၊ ဇန်နဝါရီ ၁ ရက် နောက်ပိုင်း မွေးဖွားသူမှန်သမျှကို ဒီဥပဒေတွေက ဆေးလိပ်ရောင်းချခွင့် ပိတ်ပင်ထားတာ ဖြစ်ပါတယ်။

အဲ့ဒီထဲမှာ သောက်သုံးနိုင်တဲ့ ဆေးရွက်ကြီး ထုတ်ကုန်တွေရဲ့ နီကိုတင်းပမာဏ ခွင့်ပြုချက်ကို လျှော့ချထားတဲ့အပြင် ဆေးလိပ်ရောင်းချနိုင်တဲ့ လက်လီသမား အရေအတွက်ကိုပါ ၉၀ ရာခိုင်နှုန်းကျော်အထိ ဖြတ်တောက်နိုင်ဖို့လည်း ပါဝင်ပါတယ်။

Source/Photo-Reuters